2 Korint 2:1 - Takia

¹ Ak man ŋai ilo sou igo ŋigane ya, ŋai fon aŋsam na ŋupalup an lo madai ŋupanaŋ o man ŋamoi a.

2 Korint 2:1 Iomraidhean Croise

Aposel 11:29

An lo man ilo rumok adi iŋaned turad Judea na yan dubunawai o dubol a.

Aposel 15:2

Pol iŋ Barnabas da ru an niŋen o dida tubun mi nug diabi se ya. Ago tag ilo rumok adi Antiok na yan ru kagin igo durupidaig dubol, “Pol Barnabas da, aenta dam dida diaup, Jerusalem na aposel iŋ matu gurman adi dida muruan an niŋen o dukubiai a.”

Aposel 15:37

Barnabas awok ibol ak gug Jon a yaŋan neinta Mak dubol dan dida diau o ilon ibol a.

1 Korint 2:2

Man fun dugo, ŋai ilo sou igo ŋigane ya, saen ŋai luluŋam lo ŋumado man, ŋai ru an fidian patug fo ŋigane ya. Ru Kristus niŋen o, agod iŋsen aigim fo imat an dam, ru nek an mi ŋabol dugo aloŋ a.

1 Korint 4:21

Dal dugon lo ŋai aŋsam na ŋupalu wo aŋ ilom ibol di? Ak dugo, bu ŋiŋanep da ŋupalu wak i? Tia, ŋai ŋupalup ilo panek kagin, agod mos kagin dam ŋukubiaip ale wo ilom abol di?

1 Korint 5:3

Gidad ŋai aŋ siŋirem na tia yak gug ŋaisag ur aŋ da amado da. Agod ŋai tamol a kagin ago yak igane yan ŋukubiani la ya, nek ibol ŋai aŋ da tumado dak igo woŋ a.

2 Korint 1:23

Aria, ŋai Anut ŋuwagiŋ dop ŋaisag ru en iloŋ pe isatuanag a. Ŋai Korint na ta ŋupalu na yan san fun igo. Ŋai aŋsam naok naok aenta ŋile yak ta itaot na ya, an niŋen saen ante ŋupalup aŋ muruan ŋupanaŋ man ŋamoi a.

2 Korint 13:10

Ŋai ru dabai en saen ŋai aŋ giraŋem na ta ŋumado na dugo ŋigire ya. Man dugo, saen ŋai aŋsam na ŋupalu dop, ru dabai nam ŋurupaiaŋ dop aŋanem kagin ŋukubune wo ilog ta yen na da. Tubun en sen mi ŋai aŋanem ilo rumok dabai ŋupani san urat awan en ipanag a, iŋ ŋai aŋ ŋibiaŋ adu wo urat en ta ipanag na ya.

2 Korint 2:4

Ŋai aŋ niŋemi wo ilog muruan ak, ilog saian go malag turon idu dugo girek imug an ŋigire ya. An san fun man ŋaisag girek an lo aŋ muruan ŋupanaŋ o ta ŋigire na ya. Tia, ŋaisag ilo muŋanek aŋ lo yen dan aloŋ uyan o ago ŋigane ya.

Taitus 3:12

Murnap ŋai Atemas boi, tia, Tikikas boi oŋsa na ŋigane ipalu wa. Saen iŋ ipalup ilasa tap, oŋ maeg ganep dal ta ulep Gris san taun Nikapolis na wau a. Man dugo, ŋai ilog ibol dak madid san saen lo ŋai ante ŋumado wa.