2 Korint 1:3 - Takia

^3-4 Maŋ Anut, Jesus Kristus maŋanema Tubun en Taman per mupani wa. Man ata wo, iŋ gidad maŋsama madai funfun an lo ilo maror ipanama da. Iŋ ilo muŋanek fidian san Taman, agod iŋ maror fidian san Anut, an niŋen o maŋ muruan fidian mukubiani dan lo maror ipanama da. Nek fun amaiak niŋen o ilo maror a maŋ Anut lo miŋane amaiak niŋen o, tamolpein a madai naok funfun disini dan ilo maror naon kisaek an mupidinai o maŋ idaisuda ya.

2 Korint 1:3 Iomraidhean Croise

Jon 10:30

Ŋai Tamag da fuma kisaek a.”

Jon 20:17

Maria Jesus yabi wo igane dugo iŋ imoig ibol, “Oŋ ŋai biag umoi, man dugo, ŋai Bai san na gamugo ŋau da. Ak man oŋ waup, teig taog ŋai ago ŋabol ak ubol rupudai, ‘Ŋai lak na Bai san na ŋamul ŋau o da. Ŋaineg Tamag en aŋsam Tamami, ŋaineg Anut en, aŋ dam sam Anut, amaiak san na ŋamul ŋau o da.’”

2 Korint 11:31

Anut iŋ Jesus idsad Tubun en san Anut, agod iŋsan Taman, iŋ yaŋan dam pempem per tupani wa. Anut en iloŋ ak ŋai ta ŋiraek na da.

2 Korint 7:6

Ak man Anut a tamolpein ilod idu yak dabai ipidinai dan, iŋ Taitus iganeg ipalu yan lo maŋ bubema dabai ipani a.

Efesus 1:17

Idsad Tubun ak Jesus Kristus san Anut, iŋ nek a girager san Taman amaiak ŋai igo ŋugudani da. Aŋanem maŋau iŋ lo yan iganep, kankan milaen ak san ur, agod melmel imianuk yen dan kuai ipani san ur dam aŋ ipanaŋ a.

Efesus 1:3

Idsad Tubun ak Jesus Kristus iŋanen Taman, Anut mi iŋ yaŋan tabisa wa. Man dugo, id Kristus da tutumani kisaek ak niŋen o, Awan Urgun san bar uyan uyan ak fidian a lak na yen dan ipanad go tuburou ya.

Filipai 2:11

Ago dop awak fidian kuai tem Jesus Kristus iŋ Tubun ak ago dubol ilasa wa. An lo man kulob en Bai Anut yaŋak tubun ak ipani wa.

Kolosi 1:3

Saen fidian maŋ Anut idsad Tubun ak Jesus Kristus san Taman mugudani dan, gadiŋ an lo aŋ niŋemi wo musumiani da, agod ilo uyan ru mupani da.

1 Pita 1:3

Id Bai Anut, idsad Tubun en Jesus Kristus san Taman per tupani da. Man dugo, iŋsan ilo muŋanek tubun an lo, id ibol nanuk foun ak oŋ tilasa ya. Ago yan lo id Anut tile san niŋen o patud isa wa, agod tini ganei en ibol mel kumaen imat san tia yak igo woŋ tabi sakar da. Mel en Jesus Kristus mateŋ lo kumaen imasa yan lo ilasa ya.

2 Jon 1:4

Ŋai ilog uyanan mok da, man dugo, oŋsa nanuk aenta ru rumok ak diganuri dan ŋeil a, an nek ibol Bai sen ru kagin irupaiad ak igo woŋ ago digane da.

2 Jon 1:9

Talpein a imaspalup imug yau dop, an lo piteŋanek mok Kristus niŋen o yan lo ta itur sakar pe imado na tap, iŋ Anut da tia ya. Gug talpein piteŋanek an lo itur sakar pe imado dan iŋ Bai da, agod iŋanen Nanun da mi a.