1 Timoti 3:1 - Takia

¹ Ru e dubol den rumok a. Ta iŋ midaeŋ gurman urat niŋen o yaes ifuni tap, iŋ urat uyanan ak mi igane wo imat da.

1 Timoti 3:1 Iomraidhean Croise

Luk 15:10

Ŋai aŋ ŋurupaiaŋ da, nek ago mi Bai Anut san eŋel adi aupasek tamol ta kisaek ilon ibilisa tap, an niŋen o ago mi uyad tubun mi isusa wa.”

Aposel 1:20

“Isrel sad bar san buk lo ru igo digireg yen da, ‘Iŋsan ab an tubabun a. Talpein ta ifun san tia ya.’ Bar neinta buk an lo yen dan dam igo ibol: ‘Tamol sen ta aben iŋanep, iŋsan urat awan igane wa.’

Aposel 20:28

Sem kagin ipanaŋ dop Urgun sipsip malan tubun banim lo igane yan dam kagin apidinai uyanan a. Sipsip an Anut iŋanen Nanun san dar lo iŋal a. Aŋ Tubun en san midaeŋ sad titianek adi ak niŋen o afutai o uyanan a.

Rom 11:13

Aria, gamu ŋai aŋ tamolpein Juda tia yan ŋurupaiaŋ da. Anut ŋai aposel ipilianag a, agog idinag go aŋ gob adi sam na ŋupalu ya. An niŋen o saen ŋai ru ŋufulale dan, ŋaisag urat san nuŋon ilasa yan niŋen o ŋabol ilasa ya.

Efesus 4:12

Anut san tamolpein man Kristus tinin. Aria, lou funfun amaiak ipidinai an lo man, Anut san tamolpein urat digane san dal dukubune wa. An lo man, iŋ anen anen Kristus san urat biabi ka digane wak, agod iŋ Kristus san tinin dabai dupani wa.

Filipai 1:1

Ŋai Pol, Timoti da, maŋ Jesus Kristus san urat tamol. Aŋ tamolpein gun ak Jesus Kristus lo yan Filipai na amado dan, agod aŋ matu pastor iŋ diken dam maŋ aŋsam na girek en migane ipalu da.

1 Tesalonaika 5:14

Teig muroug, saen tamol ta urat igane wo ilon isali tap, dal an saian ak ago ru kagin arupei wa. Tamol a buben irer dan dabai apani wa, agod tamol a iŋsan ilo rumok dabai amad tia yan abiai sakar a, kabelan dideg diau banau. Nug kagin apani wo ilom ta isali na wa. Maŋ kagin ago agane wo mususuŋanaŋ da.

1 Timoti 1:15

Ŋiŋeŋ en rumok a, an lo tiŋane dop ilod lo rumok a. Jesus Kristus aupasek tamolpein patud ipasi wo tan en lo idu ya. Ŋaiseg man fidian ŋiriŋanaig saiag geig a.

1 Timoti 4:9

Ru en rumok an lo aŋ aŋanep abi sakar o uyanan a.

2 Timoti 2:11

Ŋiŋeŋ en uyanan a, agod ka tinid tigane wa. “Id iŋ da tamat tap, id dam iŋ da tumado wa.

Taitus 1:7

Man dugo, midaeŋ san kagin panek tamol man sad tureŋ lo tamolpein iŋ lo muruan ta dile na da. Man ata wo, iŋ Anut san urat tamol. Fun an niŋen o iŋ kabuŋan ta sakar na wak, tiŋaen ta saian kisaek oŋ na wak, iŋ you sakar ak ta iluk na wak, agod wagai gidigidad ta igane na wa. Iŋ dal saiak saiak lo filian iŋane wo ago ta igane na wa.

Taitus 3:8

Ru an ru rumok a. Agod ŋaisag ilo sou lo ru an dabai nam ubol ilasa dop, tamolpein a Anut o ilod rumok an kagin diganep mel uyan uyan digane san o tinid dupani wa. Kagin naok ago yan uyanan a, agod an mi tamolpein fidian ilod lo nuŋon iganep ilasa wa.

Hibru 12:15

Kagin agane, kabelan talpein ta aŋ luluŋam lo Anut anen ilo panek ipanaŋ an yabigule banau. Kabelan talpein ta, dulun gigen ak igo aŋ luluŋam lo isap, an lo talpein fidian bubed igane saian banau.

1 Pita 2:25

Man dugo, aŋ ibol sipsip dal diŋaoŋ ak oŋ adeg au a. Ak man gamu aŋanem Titianek san na amul apalu ya. Iŋ mi aŋsam Kagin Panek Tamol.

1 Pita 4:15

Kabelan ta aŋ luluŋam lo tamol ifuni imat o boi, tia gumagam o boi, tia kagin saiak saiak funfun igane wo boi, tia, ŋiŋeŋ o kabuŋan isou imug dop, mel naok an fidian niŋedi wo madai isini banau.

1 Pita 5:2

Aŋ Anut san sipsip atirnai o ipanaŋ an atitianai a. Gurman mok oŋ kagin apidinai a, aŋ talpein a dusou dudunaŋ dan niŋen o ago ta agane na wa, tia, an nek aŋanem ilobol lo mi a, nek ibol Anut aŋ o ilon yen dak ago mi a. Aŋ moni aŋane san o malam ta isi na da, ak man urat an agane wo bubem yen da.