1 Korint 2:10 - Takia

¹⁰ Ak man melmel nek an Anut iŋsen Awan Urgun lo kuai te idirig tile ya. Awan Urgun iŋ mel fidian ikubiani da, an lo iŋsad bunun mok iloŋ uyanan a. Iŋ Anut san ilo girek nek a ilon lo kuror geig dien dan dam ikubiani fufei da.

1 Korint 2:10 Iomraidhean Croise

Matyu 13:11

Jesus ru naon irupidaig ibol, “Anut iŋsan kagin panek aben san melmel imianuk an san maŋau ipanaŋ a. Ak man iŋ maŋau an ta ipidinai na ya.

Matyu 16:17

Jesus ru naon irupeig igo ibol, “Saimon, Jon nanun, oŋ bar ama da, man dugo maŋau an tamol ta, ta ifulale dugo uloŋ na ya, tia, maŋau an itaot ŋai Tamag kumaen panu lo yan san na ilasa dugo ubol ilasa ya.

Luk 10:21

Saen an lo Jesus Urgun lo ilon imasag yousai tubun geig ak lo Anut irupei, “O Bai, tan keit da sad Tubun a, ŋai ilo uyan ru ŋupano da. Man dugo, mel en fidian tamolpein a kankan ad milaen an, agod a duloŋ dubol dan dam, minami pidinai a. Ak man oŋ mel an fidian tamol a yaŋad tia yan kubiai pidinai a. O Bai, awo, ago gane san an oŋane ilo, an niŋen o ŋai youg isa dugo ilo uyan ŋupano da.”

Luk 2:26

Gubak mi Awan Urgun irupeig iloŋ ak, iŋ gamugo imat dop Anut anen Kristus ile wa.

Jon 14:26

Gug Urgun, iŋ aŋsam binawek mok a, Bai iŋ ŋai yaŋag lo idinip ipalu wa. Iŋ mel fidian niŋedi wo maŋau ipiteŋanaŋ a, ago dop iginiaŋ pe ru fidian imug ŋabol go aloŋ na yan ilom isou a.

Jon 16:13

Gug murnap Urgun ru rumok ak san ipalu dop man, kagin rumok ak mi fidian ikubiai panaŋ a. Iŋ sen ilon nam ru ta ibol na wa. Tia, Anut ibol go iloŋ an mi irupaiaŋ pe aloŋ a. Mel murnap ilasa san dam ibol ilasa dop aloŋ a.

1 Korint 14:30

Ak man saen Anut ŋiŋeŋ ta tamol siŋire na yan ikubiai panip ibol ilasa tap, talpein a imug iŋiŋeŋ an imoip awan itau kisaek oŋ dop, tamol neinta an ka iŋiŋeŋ ilasa wa.

1 Korint 2:11

Ak dugo, tamolpein luluŋad lo enti iŋ talpein ta san ilo sou mok ka iloŋ ak i? Tia, talpein an iŋsinan ur mi a. Nek ago mi, talpein ta Anut san kankan iloŋ san tia ya, tia, Anut sinan Ur mi iŋsan kankan ka iloŋ a.

Galesia 1:12

Ŋai bilaluŋ en tamol sen ak lo ta ŋiŋane na ya. Tamol ensauta adi dam ŋai ta dukubiai dupanag na ya. Tia, saen Jesus Kristus iŋsen tinin walal te ilasa dugo ŋile yan lo, bilaluŋ ru en ŋai ikubiai ipanag a.

Efesus 3:3

Ŋai imug girek en ŋigireg lo ŋurupaiaŋ a, Anut sen iŋsan ilo sou mianuk an, an ŋai irupaiag a.

Efesus 3:5

Saen imug imug ipalu se yan lo man, Anut iŋ ru imianuk an tamolpein tan en san naod na kuai te ta igane ilasa na ya. Ak man gamu en Awan Ur lo yak niŋen, iŋ maŋ aposel iŋanen profet adi dam, iŋsen ru imianuk an fun ifulaleg kuai tem ilasa dugo duloŋ uyanan a.

1 Timoti 4:1

Urgun iŋ kuai tem ibol dak man mitep tamolpein aenta iŋsad ilo rumok dibisei wa. Agop ru sewak ak sad ur an awad mi kagin dupani dop, ur saiak saiak sad piteŋanek an niŋen o mi kududod dugure wa.

1 Pita 1:12

Gug iŋ mel a diŋiŋeŋ ilasa dan sed ibinawai san o ta diŋiŋeŋ da, tia, aŋ o dubol ilasa dan Anut ikubiai pidinai a. Melmel an san ŋiŋeŋ an aloŋ la ya. Dugo woŋ ak i? Bilaluŋ tamol an Urgun kumaen panu na Anut igane idu yan san dabai lo iŋsan ru uyanan an dufulale aŋsam na ilasa ya. Eŋel adi dam maladi lo melmel an san fun dile wo dumat geig da.

1 Jon 2:20

Ak man Urgun iŋsan dabai aŋ lo ikulmaek idug yen da, an lo aŋ fidian Anut san ru rumok an aloŋ a.

1 Jon 2:27

Ak man Urgun san dabai ikulmaek idug aŋane yan, aŋ lo yen da. An niŋen o talpein mel foun ak ta ipiteŋanaŋ san tia ya. Man dugo, Urgun san dabai aŋane yan maŋau fidian ipiteŋanaŋ da. An man rumok a, ta sewak na ya, amaiak niŋen o nek ibol aŋ ipiteŋanaŋ igo woŋ Kristus da amado wa.

Revelesen 1:1

Gubak mi ru en mianuk lo yen a. Ago man Jesus Kristus iŋsen kuai te iganeg ilasa ya. Anut sen ru en Jesus ikubiai panig an lo iŋ iŋanen urat tamol adi, melmel murnap ririanan ilasa san, amaiak niŋedi wo ikubiai pidinai dop duloŋ a. Ago dugo Jesus ru en kuai ipani wo iŋanen eŋel idinig, ru en isini ipalug ŋai Jon, Jesus anen urat tamol ipanag a.

Revelesen 2:24

Ak gug gamu aŋ tamolpein aenta, Taiataira san Kris midaeŋ lo amado dan, pein an san piteŋanek ta ari apani na dugo, Satan san melmel imianuk geig go yen dan dam ta aloŋ na dan, aŋsam na ru en ŋabol ilasa da. Aŋ muruan subuŋan taidam asini wo ŋai ta ŋududuwaŋ na wa.