1 Korint 12:2 - Takia

² Aŋ aloŋ ak, saen aŋ wagam gob amado yan, aŋanem tamol kagin wagam an naom diraeg an lo tubud sewak adi a awad tia yan sad ubou ale se ya. Ago yan lo ur saian saian an aŋ diŋiliaŋ go kagin uyan tia yan naon sensen dukubiai ale na ya.

1 Korint 12:2 Iomraidhean Croise

Matyu 15:14

Abisawai, iŋ man unbek malad itapul ak igo ya. Aria, tamol ta malan itapul aman ak, turan ta dam malan itapul ak, dal ikubiai pani wo banin te yabi tap man, tamol uraru an dog lo diau dudu wa.”

1 Korint 6:11

Agod aŋ aenta tamolpein naok ago yak amado se ya. Ak man aŋ suguek aŋaneg, Anut idiraŋ go tamolpein gun ak alasa ya. Agod idsad Tubun ak Jesus Kristus yaŋan lo, agod idsad Anut iŋanen Ur lo dam, aŋ Anut malan lo man itaotam alasag amado da.

Galesia 4:8

Wagam aŋ Anut mok ak ta aloŋ na ya, saen an lo aŋ ai, pat, tan sad tubud tusadi a anut mok tia yan mi paed na amado dugo, iŋaned urat pinein igo woŋ biabi ad agane se ya.

1 Tesalonaika 1:9

Tia, iŋsed mi aŋsam mala parek naok dugo yak apanama yan niŋen diŋiŋeŋ ilasa da. Aŋ bui adi sad tubudi lo adaŋsag, Anut mi ilom apani a. An lo gamu Anut e rumok di kisaek o lian en paen na amado dugo, iŋsan urat tamolpein mok alasa yak, an niŋen o diŋiŋeŋ da.

Taitus 3:3

Imug id dam ŋiŋeo tigane na ya. Agog awa parsisalek san kagin lo tumado na ya. Ilo rawek san kagin an lo dal saian ak turi se ya. Ilo imasa san kagin, agod tinid tufutuwi san kagin, an sad urat pinein tumado se ya. Siai kagin lo tumado na ya, agod aenta siganed mel o teil saiadi se ya. Aenta id lo siai digane dugo id dam nug nug lo siai tigane se ya.

1 Pita 1:18

Aŋ aloŋ ak, Anut aŋ tubumi sad kagin nuŋon tia man dupanaŋ an lo idad go ipasaŋ iŋiliaŋ a. Mel ta itout yau san ibol silva gol da igo woŋ ak lo aŋ ta idad go iŋiliaŋ na ya.

1 Pita 4:3

Inug aŋ saen tubun mi gob adi sad kagin diri wo dumat an aŋ dam ago agane na ya. Agod aŋ kagin an arig yaug idaisida ya. Aŋ se pitianoi kagin, ilo masa san kagin, jeit kagin, soubul gidigidad lo, lukluk san ŋitaŋat amado dugo, tubud sewak adi ubou ad tile san Anut geg igane yan ari apani se ya.