Zefaniah 3:8 - Tedim Bible

⁸ Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Tedim Bible Revision 2017

⁸ Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Zefaniah 3:8 Iomraidhean Croise

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

Late 123:2

En in, nasem pasalte in a topa uh muang a, nasem numei in a tonu-uh a muan’ mah bangin, ko tungah hehpihna nong neih matengin Topa kote’ Pasian kong mitsuan uh hi.

Late 27:14

Topa ngak in; tha khauh in la, na lungsim hangsak in; hi hi, Topa ngak in!

Late 37:34

Topa ngak in la ama lampi zui in, leitang luah dingin nang hong liansak ding hi; migilote’ siatna na en ding hi.

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Late 62:1

Dai dide-in Pasian bek ka ngak hi; keima kihotkhiatna ama tung pan hong pai hi.

Late 62:5

Ka lametna ama tung pan ahih manin, dai takin Pasian bek ka ngak hi.

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?

Late 79:6

Nangmah hong thei lo minamte tung leh, nangma tunga thu hong ngen lo kumpi gamte tungah heh gawp in.

Paunak 20:22

Mite’ hong bawlsiatna thukkik ding ngaihsun kei in, Topa’ hong huh ding ngak in.

Solomon la 8:6

Kei sim loh, kuamah ngai kei in la, kei sim loh, kuamah na ang-ah kawi kei in. Itna in sihna zahin thahat a, ngaihna in sihna zahin khauh hi. Itna in mei bangin kuangkhia a, meikuang lianpen a suak hi.

Isaiah 14:26

Hih ngimna pen leitung buppi’ adinga a kingim ahi hi, hih ka khut pen minam khempeuh daanpiak nadingin a kizan ahi hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 34:2

Bang hang hiam cih leh minamte khempeuh tungah Topa lungham-in, amaute khempeuh tungah heh mahmah a, a siamang dingin amaute koih-in, thah dingin pia khin ta hi.

Isaiah 63:6

Ka sin sona tawh mihingte cil-in, ka hehna hangin amaute zu kham ka bang sak a, amaute’ sisan leitungah ka thehthang hi.

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Joel 3:2

Minam khempeuhte kaikhawmin, Jehoshafat Kuam-ah ka paipih ding hi. Ka mihingte tungah a bawlnasa hangun, tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm uh hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Mattiu 25:32

A mai-ah mi namkim kikhawmsakin gancingpa in tuu leh keelte a tuam khen mah bangin, mi khempeuh a tuam tuakin hong kikhensak ding hi.

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

Mangmuhna 16:1

Tua vantungmi sagihte kiangah, “Note pai un la, Pasian’ hehna hai sagihte leitungah bua un,” ci-in biakinnpi sung pan nakpi kiko aw ka za hi.

Mangmuhna 16:14

Amaute in nalamdangte lakin Vanglianpen Pasian’ ni lianpi-ah galdo-in leitung khempeuh pan kumpite kikhawmsak dingun a paikhia dawigilo’ khate ahi uh hi.