Zefaniah 3:2 - Tedim Bible

² Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Tedim Bible Revision 2017

² Topaʼ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Zefaniah 3:2 Iomraidhean Croise

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Late 50:17

Bang hang hiam cih leh note in hilhna na mudah uh a, ka thute na nunglam uhah na pai uh hi.

Late 73:28

Ahih hangin kei adingin Pasian kianga om ding hoih hi; na nasepnate khempeuh ka gen theih nadingin Topa ka Pasian kong bel hi.

Late 78:22

Bang hang hiam cih leh amaute in Pasian um lo uh a, ama hotkhiat vangliatna muang lo uh hi.

Paunak 1:7

Topa zahtakna in pilna kipatna hi a, mihaite in pilna leh thuhilhna don lo uh hi.

Paunak 5:12

Tua ciangin, “Bang hangin thu thei thei hoh lo a, hong kihilhna mang hoh lo ka hi hiam?

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 43:22

“Ahih hangin Jakob aw, ka min nong lo kei hi; Israel aw, kei nong cimtaak hi!

Isaiah 9:12

A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Jeremiah 13:25

Hih pen nangma’ tan’ dinga kong sehsa ahi hi, Topa in kong ci hi. Bang hang hiam cih leh kei nong mangngilh a, pasian zuau peuh na um hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Jeremiah 35:13

“A vanglian Topa, Israel mite’ Pasian in kong cih-inah: Pai in la, Judah mite’ kiang leh Jerusalem khua-a teeng mite’ kiangah, Topa in, Ka thuhilhna hong sang loin ka thu hong ngai lo ding na hi uh hiam?

Jeremiah 35:17

Tua ahih manin keimah Topa, a vanglian Pasian, Israel mite’ Pasian in kong gen-inah: En un, Judah mite leh Jerusalem khua-a teeng mi khempeuh tungah a tung ding a, ka gen khiatsa siatna khempeuh ka tungsak ding hi. Bang hang hiam cih leh amau tungah ka gen hangin amau in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a ci hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Ezekiel 22:24

“Ezekiel aw, Israel mite pen, ka hehna hangin puah loin, a tungah guah ka zuksak lohna leitang tawh a kibatna uh amaute kiangah gen in.

Ezekiel 24:13

Jerusalem aw, na gamtat hoih lohnate in nang hong ninsak khin hi. A sian’suah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siang kik ngei kei ding hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

2 TIMOTI NIHNA 3:16

Pasian in ama humopna tawh hong piak Lai Siangtho-a om khempeuh in, Pasian’ mi in kicing a, ahoih na apawlpawlte a sep theih nading a, a kigingkhol mi a suah nadingin, thu hilh ding, mawhna lak ding, diktat nading thu hilh ding, leh thuman thutak hilh nadingin thupha a bawl hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.