Zefaniah 3:1 - Tedim Bible

¹ Ama mite mah nengniamin, thumang loin a tatsia, Jerusalem khuapi in gimna ngah ding hi.

Tedim Bible Revision 2017

¹ Ama mite mah nengniamin, thumang loin a tatsia, Jerusalem khuapi in gimna ngah ding hi.

Zefaniah 3:1 Iomraidhean Croise

Isaiah 30:12

Tua ahih ciangin Israelte’ Siangtho Pa in, “Note in hih thu simmawh-in, zawhthawhna leh khemna suangin, tuate muang na hih manun;

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:6

Na maimom khau puante uh kizang thei lo ding a, kuamah in silh lo ding uh hi. Gitlohna gamta uh a, ngongtatna a khut sung uhah om hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Jeremiah 5:23

Ahih hangin hih mite lungsim khauhin hong langpan’ zen uh hi; hong kihei san uh a, hong paisan uh hi.

Jeremiah 6:6

Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Jeremiah 6:7

Tuikhuk panin tui siang hong phul bangin, Jerusalem khua panin siatna phul hi. Khua sungah ngongtatna leh kisuksiatna ka za ngitnget a, cinatna leh liamnate ngentang ka mu hi.

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Ezekiel 23:30

nangma tungah hih bang teng hong tungsak hi. Minam dangte tawh na paktat a, a milimte uh tawh na kininsak hi.

Siampi Laibu 1:16

amah in a tangkhai leh a multe botkhia-in, vut koihna, biakna tau pang nisuahna lamah paaikhia ding hi;

Amos 3:9

Assiria gam mun muanhuaina sunga om mite, leh Izipt gam mun muanhuainna sunga om mite tungah thu zasak un la, “Samaria-ah hong kikhawm un la, tua lai-a buaina lianpite, kinen’niamnate hong mu in,” ci un.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Zekhariah 7:10

note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.