Biblia Todo Logo
Bìoball air-loidhne

- Sanasan -




Zefaniah 2:9 - Tedim Bible

9 Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Faic an caibideil Dèan lethbhreac

Tedim Bible Revision 2017

9 Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uh ah lingkung bek po zo-in, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak kei tak leh, ci-in ka kiciam hi,” a ci hi.

Faic an caibideil Dèan lethbhreac




Zefaniah 2:9
27 Iomraidhean Croise  

Ahih hangin amaute in, nitumna lam-a om Filistia mite sim khawm ding uh a, nisuahna lam-a om mite luh khawm ding uh hi. Amaute in Edom mite leh Moab mite zogawp ding uh a, Ammon mite in amau’ thu mang ding uh hi.


Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.


Na kimkotah khuadak to in la, mu in; na mi khempeuh hong kikhawm uh a, nang kiangah amaute hong ciah uh hi. Keimah in a nungta Topa ka hih mah bangin, na mite khempeuh hangin na kisial ding a, mothak nu in a zat bangin amaute khempeuh kizepna-in na ok ding hi.


“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.


Moab gam tawh kisai-in a vanglian Topa, Israel mite’ Pasian in a gen-inah: “Nebo mite in gimna a thuak ding uh hi, bang hang hiam cih leh a gam uh a kisia ding hi. Kiriathaim khua kila khin zo a, a kulhpite uh cim khin hi. A mite in maizumna thuak uh a,


Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?


Topa in kong cih-inah, Sodom khua, Gomorrah khua leh a kim-a khuate a kisiat gawp bangin, tua lai munah kuamah teeng lo ding a, kuamah a baang pak beek kei ding hi.


Hazor khua in se-alte’ teen’na a suak ding a, a tawntung-a a kisia den khua a suak ding hi. Kuamah teeng lo ding a, tawm vei beek zong a va zin kei ding uh hi,” a ci hi.


Topa in kong cih-inah, Sodom khua, Gomorrah khua leh a kim-a khuate Pasian in a suksiat bangin tua lai-ah kuamah a teeng kei ding a, kuamah zong a va baang pak beek kei ding hi.


Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.


Topa in hih bangin ci hi: Moab mite a khialh kikkik nilohna hangun, pel loin amaute daan ka tat ding hi. Bang hang hiam cih leh leiseek cian’na-a kizang leikang dingin, Edom kumpipa’ guhte hal uh hi.


Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.


Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.


Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.


Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.


ahih hangin a tak takin, ka nun’tak lai teng, Topa’ minthan’na tawh leitung kidim ding ahih mah bangin,


Bang hang hiam na cih uh leh, Lai Siangtho sungah: “Ka nuntak bangin ka mai-ah mi khempeuhte a khukdin’ ding uh a, Leii khempeuh in Pasian a phat ding uh hi, ci-in Pasian in thu a pia hi,” ci-in a kigelh hi.


Hong khang lai ding mi, note nungah hong piang na tate uh leh a gamla panin hong pai gamdang mi in tua gam in a gim ngahna leh Topa in a natsakna cinatnate a muh uh ciangin—


a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—


Lean sinn:

Sanasan


Sanasan