Zefaniah 2:8 - Tedim Bible

⁸ Vanglianpen Topa in hih bangin thu gen a, “Moab mite in ka mite a simmawhna, Ammon mite in ka mite a zahkona, leh ka mite’ gam sutgawp dingin, a kisaktheih paunate uh ka za khin hi.

Tedim Bible Revision 2017

⁸ Vanglian Topa in hih bangin thu gen a, “Moab mite in ka mite a simmawhna, Ammon mite in ka mite a zahkona le ka miteʼ gam a sut gawp dingin, a kisaktheih paunate uh ka za khin hi.

Zefaniah 2:8 Iomraidhean Croise

Piancilna 19:37

A u in tapa khat nei-in ama min Moab phuak hi; amah in tu hun-a Moab mite’ pian’na pupi ahi hi.

Piancilna 19:38

A nau in zong tapa khat nei a, a min Ben-ammi phuak hi; amah in tu donga Ammon mite’ pian’na pupi ahi hi.

Isaiah 15:1

Moab gam tawh kisai thu: Zan khat thu-in Ar khua kisiasak ahih manin Moab gam bei hi; zan khat thu-in Kir khua kisiasak ahih manin Moab gam bei hi.

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 48:1

Moab gam tawh kisai-in a vanglian Topa, Israel mite’ Pasian in a gen-inah: “Nebo mite in gimna a thuak ding uh hi, bang hang hiam cih leh a gam uh a kisia ding hi. Kiriathaim khua kila khin zo a, a kulhpite uh cim khin hi. A mite in maizumna thuak uh a,

Jeremiah 49:1

Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?

Kah la 3:61

Topa aw amau’ hong simmawhnate na thei zo a, a ngimnate khempeuh uh zong na thei zo hi.

Ezekiel 21:28

“Ezekiel aw, mailam thu gen in la, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin kibawl hi.

Ezekiel 25:1

Topa in kei kiangah thu hong gen a,

Ezekiel 35:12

Tua ciangin, nangmah in, ‘Israel mualtungte gamkhing suakta a, keima ading hita hi,’ ci-in simmawhna tawh na kam paunate, Topa ahi keimah in a za ka hih lam na thei ding hi.

Ezekiel 36:2

Israelte’ galte in, ‘Hih tangtawng mualtung gamte tu-in eima aa hita hi,’ ci vial uh hi.

Amos 1:13

Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Amos 2:1

Topa in hih bangin ci hi: Moab mite a khialh kikkik nilohna hangun, pel loin amaute daan ka tat ding hi. Bang hang hiam cih leh leiseek cian’na-a kizang leikang dingin, Edom kumpipa’ guhte hal uh hi.

Zefaniah 2:10

Amaute in Vanglianpen Topa’ mite, simmawhin kihisak uh ahih manin, a kiphatsakna hangun Moab mite leh Ammon mite in hih bangin daan thuak ding uh hi.

Joshua 5:9

Tua ciangin Topa in Joshua kiangah, “Tu ni-in note tung panin Izipt gamah sal suakin na minsiatna uh ka zial khia hi,” a ci hi. Tua ahih ciangin tua mun pen tu ni dongin Gilgal kici hi.