Zefaniah 2:10 - Tedim Bible

¹⁰ Amaute in Vanglianpen Topa’ mite, simmawhin kihisak uh ahih manin, a kiphatsakna hangun Moab mite leh Ammon mite in hih bangin daan thuak ding uh hi.

Tedim Bible Revision 2017

¹⁰ Amaute in Vanglian Topaʼ mite simmawhin kihisak uh ahih manin, a kiphatsakna hangun Moab mite le Ammon mite in hih bangin gim thuak ding uh hi.

Zefaniah 2:10 Iomraidhean Croise

1 KHANG TANGTHU MASATE 16:21

amah in amaute kuamah nengniam sak lo hi; amaute’ hangin amah in kumpite tai a,

Paikhiatna 10:3

Tua ahih ciangin Faro' kiangah Moses leh Aaron pai uh a ama' kiangah, “Hebru mite’ Pasian, Topa in hih bangin ci hi, ‘Ka mai-ah nang na kiniamkhiat nading bang tan vei nial ding na hi hiam? Amaute in keima' na hong sep theih nadingin ka mite paisak in.

Paikhiatna 9:17

Ka mihingte' tungah nang kiliansak lai-in amaute na paisak kei hi.

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Jeremiah 48:29

Moab kiphatsakna ka za khin zo uh hi—kiphasak pha mahmah hi. Kilian sak-in kisathei a, kuamah thu sim loin mite neu-et hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Ezekiel 25:6

Bang hang hiam cih leh Topa Pasian ahi keimah in kong genin ah: Note lungdamin khut bengin, kipakin na diang uh a, Israel gam na simmawh bawl uh hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Obadiah 1:11

Lang khata na gaaldin’ ni-in, Namdangte in a neihsa teng a puak khiat ni-in; gamdang mite a kongpi sungah lut-a Jerusalem ading ai a san’ ni-in, nang zong a thukimpih na hi hi.

Obadiah 1:3

Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.

Zefaniah 2:8

Vanglianpen Topa in hih bangin thu gen a, “Moab mite in ka mite a simmawhna, Ammon mite in ka mite a zahkona, leh ka mite’ gam sutgawp dingin, a kisaktheih paunate uh ka za khin hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”