Zefaniah 1:7 - Tedim Bible

⁷ Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.

Tedim Bible Revision 2017

⁷ Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Zefaniah 1:7 Iomraidhean Croise

JOB (Job) 24:1

“Pasian in bang hangin thu a khen ni ding hun seh lo a, ama na a semte thutang ahihna a lah ni ding seh lo ahi hiam?

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Isaiah 13:3

Keimah mah in ka tuamkoihsa mite thu pia khinin, ka hehna thu a sem khia dingin, ka gualzawhna ah a lungdam ka mi thahatte ka sam khin hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang ding a, ka sehsa Edom mite tungah thukhen dingin hong kum suk ding hi.

Isaiah 34:6

Topa in namsau khat nei hi; sisan tawh kidim ding a, biakna piakna tuuno si leh keel si, tuutalte’ kalthau tawh a zol bang ding hi. Bang hang hiam cih leh Topa in Bozrah khua ah hih biakna piakna nei ding a, Edom gamah hih bang tampi thahna omsak ding hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Jeremiah 46:10

Bang hang hiam cih leh tu ni-in a vanglian Topa Pasian’ ni hi a, phu a lak kik ni, a galte a thuhkik ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh a vanglian Topa Pasian in, Eufrates gun gei leilu lamah amaute biakna piakna-in a nei hi.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Ezekiel 7:7

Israel gam sungah a teeng note’ bei nading hong tung ta ding hi. Mualsang dawn citeng-a biakna munte ah lungdamna om nawn loin buaina bek a omna ding hong nai ta hi.

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Amos 6:10

Mi khatpeuh a sihna inn panin, mi si pua khia-in a vui dingin, a behte khatpeuh hong pai ciangin, innsung tawng-a a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi, pau kei in. Topa’ min na lawh khak ding kidawm in,” ci-in kidawng kik ding hi.

Amos 8:3

Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Zefaniah 1:14

Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, note’ muh mahmahin a na lakte uh hawm ding uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Mattiu 22:4

Khatvei, adang nasemte sawl a, ‘Kei ka pawikham nading ka kisa khin zo hi. Ka bawng leh bawngno thaute kigo khin zo hi. Na khempeuh a baihsa-in a om hi. Mopina pawi sungah hong hawh ta un,’ ci-in ka khohsate va hilh kik un,’ ci-in a sawl hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

ROM (Romans) 9:20

Pasian a nial mi aw, nang kua mi na hi hiam? A kibawl mi in, “Bang hangin kei hong hi ci bawl hiam?” ci-in a bawlpa kiangah a gen ding hiam?

Filippi 4:5

Mi khempeuh mai-ah na lungsim nemna uh na lak un. Topa hong tun’na a nai zo hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

1 SAMUEL MASA 16:5

Amah in, ‘Thu hoih hi; Topa tungah biakna pia dingin kong pai hi; note ki-ap un la, biakpiakna-ah kei tawh hong pai un,” a ci hi. Amah in Jessi leh a tapate ap-in, biakpiakna-ah amaute sam hi.

1 SAMUEL MASA 20:26

Ahi zongin Saul in tua ni-in bangmah gen lo hi; bang hang hiam cih leh amah in, “Ama tungah thu khatpeuh piang hi; amah siang lo hi, siang lo taktak hi,” a ci hi.