Zefaniah 1:5 - Tedim Bible

⁵ Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Tedim Bible Revision 2017

⁵ Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Zefaniah 1:5 Iomraidhean Croise

1 KUMPI MASATE 11:33

bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, leh Ammon mite pasian Milkom bia-in, a pa David bangin keima muhna ah a manin gamtatna leh ka thukhamte leh ka ngeina kipte zuihna tawh ka lampite tawn lo hi.

1 KUMPI MASATE 11:5

Bang hang hiam cih leh Sidon mite’ nusian Ashtoreth, leh Ammon mite’ aa ahi a kihhuai Milkom, Solomon in bia hi.

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

2 KUMPI NIHNATE 17:32

Amaute in zong Topa kihta uh a, mual tunga biakna siampi dingin amau sung panin mi namkim seh uh a, tuate in mual tunga biaknate tungah amau’ adingin biakna piaksak uh hi.

2 KUMPI NIHNATE 17:33

Tua ahih ciangin amaute in Topa kihta uh a, ahih hangin amaute a kipuak khiatna minamte’ ngeina bangin amau’ pasiante’ na zong sem uh hi.

2 KUMPI NIHNATE 17:41

Tua ahih ciangin hih minamte in Topa kihta uh a, a kiseek amau’ milimte’ na zong sem kawm uh hi; a tate uh leh a tate uh tate in zong tua bangin hih uh hi—a pu a pate uh hih bangin a suan a khakte un tu ni dongin hih uh hi.

2 KUMPI NIHNATE 23:12

Tua ciangin Judah kumpite in a bawlsa ahi Ahaz’ inndei tungnung khumzang a, om biakna taute, leh Topa’ inn tual nihte’ sungah Manasseh in a bawlsa biakna taute, amah in phelin satnen a, tua a vuite Kidron lui-ah paai hi.

Isaiah 22:1

Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Isaiah 48:1

Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Jeremiah 49:1

Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 5:7

“Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Jeremiah 7:10

tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Hosea 10:2

A lungsim uh man lo ahih manin tu-in a mawhna uh thuak ding uh hi. Topa in amau’ biakna taute suzanin, a biakna khuampite suksiatsak ding hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Amos 5:26

Tua hi napi-in tu-in, note’ adingin na bawl tawm uh, aksi pasiante ahi Sakkuth leh Kaiwan milimte na biak manun,

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Sawltak 10:9

A zingsang ciangin amau lam pai-in Joppa khua-ah a naih lai takun, nai sawm leh nai nih ciangin Piter in thungen dingin innkhum tungah a kahto hi.

ROM (Romans) 14:11

Bang hang hiam na cih uh leh, Lai Siangtho sungah: “Ka nuntak bangin ka mai-ah mi khempeuhte a khukdin’ ding uh a, Leii khempeuh in Pasian a phat ding uh hi, ci-in Pasian in thu a pia hi,” ci-in a kigelh hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.