Zefaniah 1:4 - Tedim Bible

⁴ Judah gam mi khempeuh susia-in, Jerusalem khua-a teeng mi khempeuh ka sumai ding hi. Baal milim biakna a them bang lai khempeuh leh tua milim na a sem siampite hih mun panin, a vekpi-in ka sumai ding hi.

Tedim Bible Revision 2017

⁴ “Judah gam mi khempeuh susia mangin, Jerusalem khuami khempeuh ka sumai ding hi. Baal milim biakna a them baang lai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Zefaniah 1:4 Iomraidhean Croise

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

2 KUMPI NIHNATE 23:12

Tua ciangin Judah kumpite in a bawlsa ahi Ahaz’ inndei tungnung khumzang a, om biakna taute, leh Topa’ inn tual nihte’ sungah Manasseh in a bawlsa biakna taute, amah in phelin satnen a, tua a vuite Kidron lui-ah paai hi.

2 KHANG TANGTHU NIHNATE 34:4

Tua ciangin amah in Baalte’ biakna taute ama muhna ah supai sak hi; tua ciangin amah in tuate tungah a om paknamtui biakna taute phuk hi; tua ciangin amah in Asherah milimte, leh a kiseek leh a kisung milimte sukhamin gawivui a, tuate tungah biakna a pia mite’ han tungah theh hi.

Paikhiatna 15:12

Nang in na taklam khut na zan a, leitung in amaute nawmvalh hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 6:12

A innte uh midang in luah ding a, a lote leh a zite uh a taan ding uh hi. Bang hang hiam cih leh Topa in kong cih-inah, hih mite’ lang khatah ka khut zan-in daan ka tat ding hi.

Ezekiel 25:7

Hih bangin gamta se na hih manun note’ nate hong sut gawp ding minamte khut sungah kong pia ding hi. Note hong sumaimang ding ka hih manin a minam-in ahi a, a gam-in ahi zongin na ding zo nawn kei ding uh hi. Tua ciangin Topa ka hihna na thei ding uh hi, ci-in gen in,” hong ci hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam gamlak pana kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in thei ding uh hi,” hong ci hi.

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Micah 5:13

Note in na biak uh milimte leh na biakna songte ka susia gawp ding a, note’ bawlsa nate na bia nawn kei ding uh hi.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Zefaniah 2:13

Topa in leilu lamah a khut hong zanin, Assiria gam susia ding a, Nineveh khuapi susia gawpin, sehnel gamlak suaksak ding hi.