Zefaniah 1:16 - Tedim Bible

¹⁶ galdo nading peengkul a kitum ni, leh kulh nei khuapite leh a tausangte a kisimna-a galkapte’ kiko ni, hi ding hi.

Tedim Bible Revision 2017

¹⁶ galdo nading peengkul a kitum ni, kulh nei khuapite le a tausangte a kisimna-in galkapte a kiko ni hi ding hi.

Zefaniah 1:16 Iomraidhean Croise

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Isaiah 59:10

Mittaw bangin kawm i zawt a, mit nei lote bangin i mai hi; suntang laipi-in khuamial sung bangin i tuk a, a hat mite lakah mi si tawh i kibang hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Ezekiel 7:7

Israel gam sungah a teeng note’ bei nading hong tung ta ding hi. Mualsang dawn citeng-a biakna munte ah lungdamna om nawn loin buaina bek a omna ding hong nai ta hi.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Amos 3:6

Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Habakkuk 3:6

Amah a khawl ciangin leitung liing a, a et ciangin minam khempeuh liing uh hi. Taangtawng lai-a a totsa, taanglai mualliante kitamkham a, a om tawntung mualneute kimetcip hi.

Thu-hilhkikna 28:52

Na gam sung uh a, a om na muan’ uh a sang a muan’ huai na kulhpite uh a cip khit dong matengin na khuapite khempeuh sungah amaute in note hong umcih ding uh hi; Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Joshua 6:20

Tua ahih ciangin mite awng a, peengkulte kitum hi. Mite in peengkul aw a zak phetun nakpi takin awng uh a, kulhpi cim mai-in, mi khempeuh amau mai ciatah tang takin khuapi sungah pai uh a, khuapi la uh hi.