Zefaniah 1:13 - Tedim Bible

¹³ Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Tedim Bible Revision 2017

¹³ Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Zefaniah 1:13 Iomraidhean Croise

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Jeremiah 15:13

Topa in, “Na gam sung teng-a na bawl uh mawhna khempeuhte hangin na neih na lam uh leh na sum na paiite uh man ngah loin na galte uh ka tuahsak mang ding hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uh-a na bawl uh mawhnate hangin na neih na lam uh leh na sum na paite uh, na galte uh ka tuahmang sak ding hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Kah la 5:2

Ka neihsa teng uh gamdang mite’ khut sung tung khin a, ka innsung uhah gamdang mite a teeng uh hi.

Ezekiel 22:31

Tua ahih ciangin amaute’ gamtatna tawh kizui-in daan piakna-in amaute tungah ka hehna khahin, mei in a kat bangin amaute ka maimangsak ding hi, Topa Pasian in ci hi,” hong ci hi.

Ezekiel 7:19

Topa’ hehna amau tungah a tun’ ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah pai ding uh hi. A gilkial uh ciangin zong an bangin tuate ne thei lo uh hi. Ngun leh khamte in amaute mawhna sung tumpih zaw hi.

Ezekiel 7:21

Amau’ nate, gamdang mite ka sutsak ding a, a neihsa khempeuh uh migilote sutsak in, ka ninsak ding hi.

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineite’ kimuan’na beita ding hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Micah 6:15

Khai na tuh uh hangin a gah na at kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Zefaniah 1:9

Midangte’ sangkil kanin zawhthawh bawl a, khemna leh thahna tawh a ngah uh vante tawh, a Topa uh inn a dimsakte khempeuh, tua ni mahin daan ka pia ding hi,” ci hi.

Thu-hilhkikna 28:30

Zi dingin lawm khat na dong ding uh a, midang khat in na luppih ding hi; inn na lam ding uh a, tua sungah na teeng kei ding uh hi; leenggui lo na zuan ding uh a, a gah na khawm kei ding uh hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kha kei ding uh hi; bang hang hiam cih leh lung in tuate ne ding hi.

Thu-hilhkikna 28:51

note na siat matengun amaute in na ganhingnote uh leh na leitang panun a piang gahte hong neksak ding uh hi; amaute in note hong beisak matengun note adingin an, leenggahzu, ahih kei leh sathau, na ganhingte uh ahih kei leh na tuuhonnote uh zong hong nusiat lo ding uh hi.