Zefaniah 1:12 - Tedim Bible

¹² Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Tedim Bible Revision 2017

¹² “Tua laitakin Jerusalem khua sung meivak tawh ka zong dinga, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Zefaniah 1:12 Iomraidhean Croise

JOB (Job) 21:15

Pasian’ nasep ding kisam sa lo uh a, Pasian’ kianga thunget a phattuamna om kei, ci uh hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

Late 94:7

amaute in, “Topa in mu lo hi; Jakob Pasian in thei lo hi,” hong ci uh hi.

Jeremiah 10:5

A milimte uh, tangmai huan-a vasate’ lau nading-a kikhai milimte tawh kibangin a pau thei kei uh a, lam pai thei lo uh ahih manin puak kul hi. Tuate kihta kei un; siatna bangmah bawl thei lo uh a, phatna zong bangmah bawl thei lo uh hi,” a ci hi.

Jeremiah 48:11

“Moab gam in a neu lai-a kipanin nuam takin a om den hi. Gam dangah kipaikhiatpih ngei lo a, thawl khat pan thawl khat-a tei kawikawi lenggahzu tawh kibang lo hi. A limna kilamdang ngei loin a gimnam zong kikhel ngei lo hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Obadiah 1:6

Ahih hangin Esau, kibuluh khin zo a, a sum a pai khempeuh a kilak sak zo hi!

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

2 PETER NIHNA 3:4

“Topa hong paikik ding cih thuciamna in koi-ah a om hiam? I pute i pate a si khin zo uh hi; ahi zongin na khempeuh a pian’sak cila kipan a pian’ ngei bangin a om lai hi,” ci-in kosiatna tawh a hong pai ding uh hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.