Titu 2:3 - Tedim Bible

^3-4 Tua mah bangin numei teekte in zong Pasian’ thu tawh kilawm gamtatna a bawl nading, midangte a gendai loh theih nading, kham lua-a leenggahzu’ sila ahih loh nading, thu hoih a hilh theih nading tham loin, Pasian’ thu in gensiatna a thuak loh nadingin a khangno numeite in a pasal a it ding, a tate a it ding,

Tedim Bible Revision 2017

³ Tua mah bangin mite in Pasianʼ thu a gensiat khak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

Titu 2:3 Iomraidhean Croise

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

ROM (Romans) 16:2

Misiangthote in ahih ding a kilawm bangin, Pasian hangah tua numei na tungsak un la, amah huh dinga a kisapnate khempeuh na huh ta un. Bang hang hiam na cih uh leh, amah in mi tampi ahi zongin, keimah ahi zongin hong huh mi ahi hi.

Efesa 5:3

Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

1 TIMOTI MASA 3:11

Tua mah bangin amau’ zite in zong khuaval lo ding uh a, mite’ dai nading thu gensiam mi hi loin thuman thutak a nei mi, na khempeuhah a diktat mi ahi ding uh hi.

1 TIMOTI MASA 3:8

Tua mah bangin pawlpi upate in zong khuaval lo mi, thu lang gen lo mi, zu dawnin a noptat lo mi, sum siangtho lo deih lo mi ahi ding uh a,

1 TIMOTI MASA 5:23

Na gilpi ading leh na cinatna ading tu-a kipan tui bek dawn loin leenggahzu tawm na zang in.

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Hebru 5:12

Note in a sawt vei zo-in thuhilhte a suak khin ding na kilawm napi-un, Pasian thupiakna lakah a kisim masa, a bulpi thute, midangte kiangah khatvei na sin kik nading uh om ahih ciangin zan hak an sam loin, nawizu nete bek na hi uh hi!

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.