Titu 1:4 - Tedim Bible

⁴ A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Tedim Bible Revision 2017

⁴ Thu upna ah ka ta taktak ahi Titus tungah lai ka hong khak hi. Pa Pasian le eite hong Hon Khris Jesu in nangma tungah hehpihna le nopsakna thupha hong tungsak tahen.

Titu 1:4 Iomraidhean Croise

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Johan 4:42

Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

ROM (Romans) 1:12

Tua bang ka cihna in keimah leh nomau in thu-upna tawh khat leh khat nopna i ngah khawm ding ka cihnopna hi.

2 KORIN NIHNA 12:18

Titu in note kiangah a pai nading ka thuum a, amah tawh i sanggampa khat kong paisak hi. Titu in kheemna tawh note sum a la hiam? Kote in lungsim kibangin a gamta hilo ka hi uh hiam? Lam khat bek zui hilo ka hi uh hiam?

2 KORIN NIHNA 2:13

ka sanggampa Titu ka muh loh ciangin ka lungnuam thei lo ahih manin, amaute mangpha khakin Makedonia gamah ka pai hi.

2 KORIN NIHNA 4:13

Tua ahih ciangin, “Keimah in umin, ka gen hi” ci-a a kigelh mah bangin kote in zong upna lungsim nei ka hih ciangun ka gen uh hi.

2 KORIN NIHNA 7:6

Ahih hangin a kinuaisiah mite a hehnem thei Pasian in Titu hong tun’na hangin kote hong hehnem hi.

2 KORIN NIHNA 8:16

Note ading huhna hahkatna ka hanciamna bang uh Titu’ lungsim sungah a guang Pasian in phatna ngah ta hen.

2 KORIN NIHNA 8:23

Titu in bang ci bang mi ahi hiam ci-a hong dong mi a om leh, ka kikholhpih ka lawmpa ahi hi, note huh dingin kei tawh a semkhawm mi zong ahi hi. I sanggamte zong bang ci bang mite ahi uh hiam ci-a hong dong mi a om leh, pawlpi’ sawltakte ahi uh hi, Khazih in a pahtawi mite zong ahi uh hi.

2 KORIN NIHNA 8:6

Tua ahih ciangin Titu in note kiangah hong kipatsa bangin hih hehpihna zong a zawh khit nadingin kote in amah ka hanthawn uh hi.

Galati 2:3

Ahih hangin keimah tawh a tonkhawm Titu in Grik mi ahi napi-in a vunat dingin thu a pia kei uh hi.

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

Efesa 1:2

I Pa Pasian leh Topa Zeisu Khazih kiang pan hehpihna thupha leh nopna note tungah om ta hen.

1 TIMOTI MASA 1:12

Tua thu kei hong keemsak ahih ciangin tha hong dimsak i Topa Khazih Zeisu’ hehpihna ka phat hi.

2 TIMOTI NIHNA 1:1

Khazih Zeisu sungah a om nuntakna hong pia ning ci-in a thuciamna mah bangin, Pasian’ deihna hangin Khazih Zeisu sawltak keimah Paul in:

2 TIMOTI NIHNA 1:2

Ka it ka tapa Timoti kong zasak hi. Pa Pasian leh i Topa Khazih Zeisu kiangpan hehpihna thupha, hehpihna leh nopna nang tungah om ta hen.

2 TIMOTI NIHNA 4:10

Bang hang hiam cih leh, Demas in tu lai nuntakna a it maninah kei hong taisanin, Thesalonika khua-ah a pai zo hi. Kresen in Galati gamah a pai zo hi. Titu in Dalmatia gamah a pai zo hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

2 PETER NIHNA 1:11

Tua bang hangin eite Topa leh Honpa Zeisu Khazih’ tawntung Gam sung lut theihna thu note a kicingin hong kipia ding hi.

2 PETER NIHNA 2:20

I Topa leh Honpa Zeisu Khazih theihtelna hangin leitung kihhuaina tawh a suahtak khit uh ciangin, khat vei awk kikin a lelh uh leh, a nung ciangin a pian’ in a pian’masak sangin a gilo zaw hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

1 JOHAN MASA 5:14

Ama mai-ah eite in i ngah lau loh nading thu in, ama deihna bangin na khempeuh thuumin i nget leh, a hong ngaih nading thu ahi hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.