Sawltak 7:5 - Tedim Bible

⁵ Hih gamah khe sik nading nangawn luahna a piak loh hangin, ‘Nang akipan na tate na tute kiangah hih gam kong pia ding hi,’ ci-in ta khat beek a nei nai lopi-in thu a ciam hi.

Tedim Bible Revision 2017

⁵ Pasian in Abraham tungah ama aituam dingin leitang khut peek cia nangawn pia lo napi-in, amah le a suan a khakte tungah hih gam a piak nading thu a ciam hi. Pasian in tua thuciamna a piak laitakin Abraham in ta nei nai lo hi.

Sawltak 7:5 Iomraidhean Croise

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Piancilna 13:15

bang hang hiam cih leh na muh gam khempeuh nang leh na suan-le-khakte’ tungah kong pia paisuak ding hi.

Piancilna 15:18

Tua ni-in Topa in Abram tawh thuciamna khat bawl a, “Na suan-le-khakte tungah hih leitang, Izipt gun panin a lian gunpi ahi Eufrates gun ciang dong,

Piancilna 16:2

Sarai in Abram’ kiangah, “Tu-in en in, Topa in ka ta neih ding hong khaktan hi; ka numei-nasem nu’ kiangah lum in; ama' sung panin keimah in ta a nei ding ka hi kha ding hi,” ci hi. Abram in Sarai’ thu mang hi.

Piancilna 17:8

Nangma' tung leh nang’ khit cianga na suan-le-khakte’ tungah tawlkhat na omna Kanaan leitang khempeuh na neih tawntung dingun kong pia ding hi; keimah in amaute’ Pasian ka hi ding hi,” ci hi.

Piancilna 23:4

“Keimah in note’ lakah khual mi hi-in peemta ka hi hi; ka zi ka vui theih nadingin note’ lakah vuina ding mun leitang hong pia un,” ci hi.

Piancilna 26:3

Hih leitang-ah tawl khat om in, nang tawh kong omkhawm ding a, thupha kong pia ding hi; bang hang hiam cih leh nang leh na suan-le-khakte' tungah hih leitangte kong pia ding a, na pa Abraham’ tungah ka thuciam ka tungsak ding hi.

Nehemiah 9:8

Nangma tungah amah a cihtakna na mu a, Kanaan mite gam, Hit mite gam Amor mite gam, Perez mite gam, Jebus mite gam, leh Girgash mite gam, amah leh a suan leh khakte tungah piak dingin ama tungah thuciamna khat na bawl hi. Nangmah thuman na hih manin na thuciamna na tungsak hi.

Ezekiel 33:24

“Ezekiel aw, Israel gam khuapi siate sunga teeng mite in, ‘Abraham, mi khat bek hi napi-in gambup kipia hi. Tu-in eite in tampi i hih ciangin hih gamin eima aa hi taktak hi,’ ci uh hi.

Thu-hilhkikna 10:11

Topa in kei tungah, ‘Amaute tungah piak dingin a pate uh tungah ka kiciam leitangah pai-in a luah theih nadingun ding in la, na khualzin uh zomin mite mai-ah pai in,’ hong ci hi.

Thu-hilhkikna 11:9

“Tua ahih ciangin note thahatin, note va pai-in na luah ding uh leitangah va pai-in na luah theih nading uh leh, Topa in na pu na pate uh leh a suan leh khakte uh piak dingin a kiciam, bawngnawi leh khuaizu a luan’na gamah sau vei na nuntak theih nadingun tu ni-a kong thupiak ahi thupiakna khempeuh na zui ding uh hi.

Thu-hilhkikna 2:5

amaute tawh kisel kei un; bang hang hiam cih leh amau’ leitang khat zong no kong pia peuhmah kei ding hi, Esau’ neih dingin ama tungah Seir Mual pia khin ka hih manin khe a ta khop zah zong no kong pia kei ding hi.

Thu-hilhkikna 34:4

Tua ciangin Topa in ama kiangah, “Hih gam in, Abraham, Isaak, leh Jakob tungah kiciamin, ‘Na suan leh khakte uh tungah ka pia ding hi,’ ka cih leitang ahi hi. Na mit tawh nang kong musak khin a, ahih hangin tua lai-ah nang na pai kei ding hi,” a ci hi.

Thu-hilhkikna 9:5

Na thumanna hang uh ahi a, na lungsim manna hang uh tawh ahi zongin amau’ leitang luah ding na hi kei uh hi; Topa na Pasian un na mai panun amaute a hawlkhiatna in hih minamte’ gitlohna hang leh Topa in na pu na pate uh Abraham, Isaak leh Jakob tungah a thuciamna kammal a kipsak theih nading ahi hi.