Sawltak 7:2 - Tedim Bible

² “Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Tedim Bible Revision 2017

² Stefen in, “Ute pate aw, ka thugen hong ngai un. I pupi Abraham, Haran khua ah a tenma, Mesopotamia gamah a om lai-in, ama kiangah a minthang Pasian kilang a,

Sawltak 7:2 Iomraidhean Croise

Piancilna 11:31

Terah in ama' tapa Abram leh Haran’ tapa Lot, ama' tupa leh a tapa Abram’ zi ahi a monu Sarai la-in, Kanaan gamsungah pai dingin Khaldea gam Ur khua panin amaute paikhia khawm uh hi; ahih hangin amaute Haran a tun’ uh ciangin tua munah teng uh hi.

Piancilna 12:1

Tu-in Topa in Abram’ kiangah, “Na gam leh na beh leh na pa’ inn panin nang kong lah ding gamah pai in.

Piancilna 12:5

Abram in ama’ zi Sarai, a sanggampa’ tapa Lot, amau’ kaihkhopsa neihsa khempeuh leh Haran-a amau’ neih mi khempeuh sam a, Kanaan gamah pai dingin amaute dingkhia uh hi. Amaute Kanaan gam a tun’ uh ciangin,

Piancilna 15:7

Tua ciangin ama kiangah, “Hih leitang na neih nadinga nangma’ tungah a hong pia dingin Khaldea gam Ur khua panin a hong paikhiatpihpa in keimah Topa ka hi hi,” ci hi.

Piancilna 29:4

Jakob in amaute' kiangah, “Sanggamte aw, koi pan-a hong pai na hi uh hiam?” ci hi. Amaute in, “Haran pan hi ung,” ci hi.

Nehemiah 9:7

Nangmah in Abram teelin Khaldea gam Ur khuapi panin paikhiatpihin Abraham min a phuak Pasian, Topa na hi hi.

Late 24:10

Hih minthang Kumpipa kua ahi hiam? Vanglianpen Topa, minthang Kumpipa ahi hi.

Late 24:7

Minthang Kumpipa hong tum theih nadingin, khua kongpite aw, na lute uh sangsak un! Taanglai kong khakte aw, kilaamto un!

Late 29:3

Topa’ aw in tuite tungah om hi; a minthang Pasian ging damdam a, tui tampite tungah Topa om hi.

Isaiah 37:12

Ka pu ka pate un a suksiat minamte, Gozan minam, Haran minam, Rezef minamte leh Telassar khua-a om Eden mite pen amau’ pasiante in honkhia zo ahi hiam?

Isaiah 51:2

Na pa uh Abraham leh note’ pian’na Sarah ngaihsun dih un; bang hang hiam cih leh khat bek ahih lai takin amah ka sam a, amah thupha pia-in tampi ka phasak hi.

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Sawltak 22:1

“Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Sawltak 23:7

Paul in tua thu a gen ciangin Farisai-te leh Saddusi-te khat leh khat kiseel uh ahih ciangin a kikhawmte a kikhen uh hi.

Sawltak 7:1

Tua lai takin siampi ukpa in, “Hih thu a man hiam?” ci-in a dot ciangin Stefen in,

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 11:8

Abraham in a luah nading a cih gamah a paikhiat nading Pasian in a sap ciangin amah in koi lamah pai ding cih thei lo napi-in, upna tawh thungai-in a paikhia hi.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Joshua 24:2

Tua ciangin Joshua in mite khempeuh tungah, “Israel Pasian, Topa in hih bangin ci hi. ‘Taang lai-in Eufrates galkhatah na pu na pate uh teeng ngei a, tuate lakah Abraham leh Nahor’ pa Terah in khat ahi hi; amaute in pasian dangte’ na sem uh hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.