Sawltak 2:3 - Tedim Bible

³ Tua lai takin meikuang tawh kibang leiite kikhenin, amaute kiangah kilang uh a, amau a vekpi tungah tung kim uh a,

Tedim Bible Revision 2017

³ Tua ciangin leii tawh a kibang meikuang bang pian amaute lakah hong kithehthang a, tuate in mi khempeuh su kha kim hi.

Sawltak 2:3 Iomraidhean Croise

Piancilna 11:6

Topa in, “En un, amaute in mikhat hi uh a, amaute khempeuh in kampau khat nei uh hi; hih in amau’ sep ding a kipatna bek ahi hi; tu-in sep dinga amau vaihawmte amau’ adingin hi thei nawn lo ding hi.

Late 55:9

Topa aw, amau’ ngaihsutnate suksiatsak in la, a pau uh kilamdangsak in; bang hang hiam cih leh khua sungah ngongtatna leh kam kiselna ka mu hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Mattiu 3:15

Zeisu in, “A dik thu khempeuh i zuih ding a kilawm ahih ciangin tu-in thu hong mang in,” a ci hi. Tua ciangin Johan in a mang hi.

Luka 24:32

Amaute in, “Lampi-ah eite hong hilh a, Lai Siangtho thu hong gen lai takin, i dip kuasak hilo ahi hiam?” ci-in khat leh khat a kiho uh hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 2:11

Judah mi ahi zongin, Judah ngeina sungah a tum mite ahi zongin, Krete leh Arab ahi eite khempeuh in Pasian’ nalamdangte eite’ kam tawh hong gen uh i za hi!”a ci uh hi. Amaute khempeuh in lamdangsa-in lung-am uh a, “Bang ahi hiam?” ci-in khat leh khat a kikum uh hi.

Sawltak 2:2

Tua lai takin huihpi nung bangin vantung panin awging khat thakhatin hong suak a, amau tutna inn a dim sak hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

Jeim 3:6

Leii in mei a hi hi. A gilo na, leitung na ahi eite’ pumpi sungah om a, pumpi khempeuh ninsak a, pumpi hih theihna khempeuh zong hal a, amahmah in hel khua ah halna a thuak hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.