Ruth 4:12 - Tedim Bible

¹² Topa in hih a khangno lai numei tawh nang hong piak na tate hangin Judah in Tamar tawh a neih tapa Perez’ innkuan tawh kibangin na innkuan piang ta hen,” a ci uh hi.

Tedim Bible Revision 2017

¹² Topa in hih a khangno lai numei tawh nang hong piak na tateʼ hangin Judah in Tamar tawh a neih a tapa Perez innkuan tawh kibangin na innkuan piang tahen,” a ci uh hi.

Ruth 4:12 Iomraidhean Croise

Piancilna 38:29

Ahih hangin a khut a dawh tum kik lai takin, en in, a sanggampa hong paikhia hi; amah in, “Nang’ adingin a vang nangmahmah in bawl tawm!” ci hi. Tua ahih ciangin ama min Perez kiphuak hi.

Piancilna 46:12

Judah' tapate: Er, Onan, Shelah, Perez leh Zarah (ahih hangin Kanaan gamah Er leh Onan si hi); Perez' tapate in Hezron leh Hamul ahi hi.

1 KHANG TANGTHU MASATE 2:4

A tapa’ zi Tamar in zong amah tawh Perez leh Zerah nei hi. Judah in a vekpi-in tapa nga nei hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.

Mattiu 1:3

Judah in a zi Tamar tawh a neih a tapa Perez leh Zerah, Perez’ tapa Hezron, Hezron’ tapa Aram,

Ruth 4:18

Tu-in Perez’ suan-le-khakte in: Perez in Hezron’ pa,

1 SAMUEL MASA 2:20

Tua ciangin Eli in Elkanah leh a zi thupha pia-in, “Amah in Topa tungah a piak taang dingin Topa in hih numei tawh nang ta hong neisak hi,” a ci hi; tua ciangin a inn uhah amaute ciah uh hi.