Ruth 3:3 - Tedim Bible

³ Tua ahih ciangin kisilin sathau kinuh in la, na puan hoihpente silhin ancilna-ah paisuk in; ahih hangin a nek a dawn a man mateng a mipa kiangah na pai lam kithei sak kei in.

Tedim Bible Revision 2017

³ Tua ahih ciangin kisilin sathau kinuh inla, na puan hoih pente silhin ancilna ah pai suk in. Ahih hangin a nek a dawn a man mateng ama kiangah na pai lam kitheisak kei in.

Ruth 3:3 Iomraidhean Croise

2 SAMUEL NIHNA 12:20

Tua ciangin David lei lak panin tho-in kisil a, sathau nilhin a puante khek hi; tua ciangin Topa’ inn-ah pai-in bia hi; tua ciangin ama inn-ah pai hi; an a nget ciangin amaute in a mai-ah lui uh a, amah in ne hi.

2 SAMUEL NIHNA 14:2

Tua ciangin Joab in Tekoa-ah mi sawlin tua panin numei pil khat la-in ama kiangah, “A thuum mi bangin kineih in la, thuumna puante silh in; nangmah in sathau nilh kei in la, misi hangin ni tampi a thuum khin numei bangin gamta in;

Esther 5:1

A ni thum ni-in Esther in a kumpi puan silhin kumpipa’ inntual sung nungah ding-in kumpi inn lam nga hi; kumpi inn sung a kumpi tokhom tungah kumpipa tu-in kongpi lam nga hi.

Late 104:15

mihing lungsim a nuamsak ding leenggahzu, a maitang a zolsak ding sathau, mihing lungsim a hatsak ding an na piangsak hi.

Thuhilh-sia 9:8

Na puante siangin paaksak tawntung in la, na sam gumsak ngei kei in.

Ezekiel 16:9

Kei zong tui la-in na tunga si baang teng kong sawpkhiatsak a, oliv thau tawh kong zut zol hi.

Mattiu 6:17

Nomau in an na tan’ uh ciangin na an tan’na uh mi mai-ah kilang loin, a kilang lona-ah a om na Pa uh mai-ah a kilat nadingin na sam sathau nilh un la, na mai uh phiat un.

Ruth 3:2

A numeite tawh na na sepna Boaz in i tanau hilo ahi hiam? Thei in, amah in tu nitakin ancilna-ah mangbuhham haih hi.

Ruth 3:4

Ahih hangin amah a lup ciangin a lupna mun encik in; tua ciangin pai in la a khe lam puan leemin lum in; tua ciangin na gamtat nading amah in hong gen ding hi,” a ci hi.