Ruth 2:7 - Tedim Bible

⁷ Tua numei in, ‘Kong thum hi, ansangh hong tawm sakin an late nungah anlomte lakah a kiate hong khawm sak in,’ hong ci hi. Tua ahih ciangin amah hong pai-in tawlkhat zong khawl loin zingsang tunga kipan tu dong sem suak hi,” a ci hi.

Tedim Bible Revision 2017

⁷ Tua numei in, ‘Kong thum hi; ansang hong tawmsakin anlateʼ nungah anlomte lakah a kiate hong khawmsak in,’ hong ci hi. Tua ahih ciangin amah hong pai-in tawl khat zong khawl loin zingsang tung a kipan tu dong sem suak hi,” a ci hi.

Ruth 2:7 Iomraidhean Croise

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

Paunak 18:23

Mizawngte a pau ciangin thuumna kam zang a, mihaute in a dawn’ ciangin kihihsakna kam zang hi.

Paunak 22:29

Ama nasepna-ah a siam mahmah mi na thei kha hiam? amah in mi mawkmawkte’ na sem lo ding a, kumpite’ na sem ding hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

ROM (Romans) 12:11

Nasep hahkat un la, thadah kei un. Lungdamna tawh Topa’na na sem un.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Efesa 5:21

Khazih zahtakna hangin khat leh khat nuai-ah na pumpi uh na kiniamsak un.

Ruth 2:2

Tua ciangin Moab mi Ruth in Naomi kiangah, “Lo-ah hong kuansak in la maipha ka muhna peuhpeuhpa’ nungah anvuite lak-ah a sangh hong tawm sak in,” a ci hi. Tua ciangin amah in ama kiangah, “Pai in, ka tanu aw,” a ci hi.

Ruth 2:21

Tua ciangin Moab numei Ruth in, “Tu-a ban-ah amah in kei kiangah, “Ka an khempeuh a lak khit matengun ka nasemte kiang nai-ah om in, hong ci hi,” a ci hi.

Ruth 2:6

Tua ciangin an late a uk nasempa in dawngin, “Moab gam panin Naomi tawh a hong ciahkik Moab numei ahi hi.

Ruth 2:8

Tua ciangin Boaz in Ruth kiangah, “Tu-in, ngai in, ka tanu aw, midangte’ lo-ah ansang tawm dingin pai kei in la, hih lo zong nusia kei in, ka numeite’ nai-ah om cinten in.