Ruth 2:3 - Tedim Bible

³ Tua ahih ciangin amah kuan khia-in pai a, an late’ nung lo sungah ansanghte tawm hi; Elimelekte innkuan Boaz’ lo-ah va pai kha hi.

Tedim Bible Revision 2017

³ Tua ahih ciangin amah kuan khia-in pai a, anlateʼ nung lo sungah ansangte a tawm hi. Elimelek-te innkuan Boazʼ lo ah va kuan kha hi.

Ruth 2:3 Iomraidhean Croise

2 SAMUEL NIHNA 1:6

Tua ciangin ama kiangah a gen tangvalpa in, “Gilboa Mual ah ka om kha hi; tua lai mun-ah Saul a teipi tungah kingam hi; en in, leengte leh sakol tuangte in amah pha dek mahmah ta uh hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong om kha hi; amah in peengkul tumin, “David sungah tanh i nei kei hi, Jessi’ tapa’ sungah gamh i nei kei hi; mi khempeuh na inn ciat uh-ah ciah un, Israelte aw,” a ci hi.

2 KUMPI NIHNATE 8:5

Tu-in amah in Elisha in a sisa a hin’sakna thu kumpipa kiangah a gen lai takin, en in, a tapa a hin’ kiksak numei in kumpipa kiangah a inn leh a leitang hong ngen hi. Tua ciangin Gehazi in, “Ka topa, Kumpipa aw, hih lai-ah a numei om a, Elisha in a nuntakna a hin’ kiksak a tapa hih lai-ah om hi,” a ci hi.

Mattiu 10:29

Gitta nih in dangkasan peek khat tawh kizuak hilo ahi hiam? Na Pa un thu pia kei leh, tua gitta khat beek lei tungah kia mawk lo hi.

Luka 10:31

Tua lampi ah siampi khat paikha zenzen a, tua pa a muh ciangin peelin a nusia hi.

2 THESALONIKA NIHNA 3:12

Tua bang mite in nuamtakin nasemin, amau khut pana piang an a neek nadingun i Topa Zeisu Khazih suangin thu ka pia uh a, hansuahin ka zol uh hi.

Ruth 2:2

Tua ciangin Moab mi Ruth in Naomi kiangah, “Lo-ah hong kuansak in la maipha ka muhna peuhpeuhpa’ nungah anvuite lak-ah a sangh hong tawm sak in,” a ci hi. Tua ciangin amah in ama kiangah, “Pai in, ka tanu aw,” a ci hi.

Ruth 2:4

En in, Boaz in Bethlehem panin hong pai hi; amah in an late kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen!” a ci uh hi.