Ruth 2:2 - Tedim Bible

² Tua ciangin Moab mi Ruth in Naomi kiangah, “Lo-ah hong kuansak in la maipha ka muhna peuhpeuhpa’ nungah anvuite lak-ah a sangh hong tawm sak in,” a ci hi. Tua ciangin amah in ama kiangah, “Pai in, ka tanu aw,” a ci hi.

Tedim Bible Revision 2017

² Tua ciangin Moab mi Ruth in Naomi kiangah, “Lo ah hong kuansak inla, maipha ka muhna peuhpeuh paʼ nungah anvuite lakah a sang hong tawmsak in,” a ci hi. Tua ciangin amah in, “Pai in, ka tanu aw,” a ci hi.

Ruth 2:2 Iomraidhean Croise

Piancilna 32:6

Kamtaite Jakob kiangah hong ciahkik uh a, “Na sanggampa Esau' kiangah ka va pai uh hi, nangmah dawn dingin amah hong pai a, amah tawh mihing za li om hi,” ci-in gen uh hi.

Siampi Laibu 19:10

Note in na leenggui lo uh hawk mai loin, a kia leenggahte zong na leenggui lo panun na tawm kei ding uh hi; note in mi zawngte leh peemtate adingin tuate na nusia ding uh hi; keimah in Topa na Pasian uh ka hi hi.

Siampi Laibu 19:16

Note in na mihingte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi: keimah in Topa ka hi hi.

Siampi Laibu 19:9

“Na leitang tung panun an na lak uh ciangin, na lo uh a nawl dongin an na la kei ding uh a, an na lak khit uh ciangin a sang zong na khawm kei ding uh hi.

Siampi Laibu 23:22

“Note in na leitang panun an na lak uh ciangin, na lo nawl dongun la loin, na an lak khit uh ciangin a sangte zong na khawm kei ding uh hi; note in mizawngte leh khualmi adingin tuate na nusia ding uh hi: keimah in Topa na Pasian uh ka hi hi,” a ci hi.

Ruth 2:3

Tua ahih ciangin amah kuan khia-in pai a, an late’ nung lo sungah ansanghte tawm hi; Elimelekte innkuan Boaz’ lo-ah va pai kha hi.

Ruth 2:7

Tua numei in, ‘Kong thum hi, ansangh hong tawm sakin an late nungah anlomte lakah a kiate hong khawm sak in,’ hong ci hi. Tua ahih ciangin amah hong pai-in tawlkhat zong khawl loin zingsang tunga kipan tu dong sem suak hi,” a ci hi.

1 SAMUEL MASA 1:18

Tua ciangin numei in, “Nangma mit-ah na nasemnu maipha hong musak in,” a ci hi. Tua ciangin numei pai-in an ne a, a maisuah dahmai nawn lo hi.