Ruth 2:12 - Tedim Bible

¹² Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Tedim Bible Revision 2017

¹² Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.

Ruth 2:12 Iomraidhean Croise

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Late 19:11

Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Late 36:7

Pasian aw, na itna kip bangzahta in manpha! Mihing tate na kha lim-ah bu uh hi.

Late 57:1

Pasian aw, nangmah hong bel ka hih manin kei hong hehpih in, kei hong hehpih in; siatna huihpi a ven’ mateng na kha limah kong bu ding hi.

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Late 61:4

Na buk sungah hong omsak tawntung ta in! Nangma khate’ hutna sungah lungmuanga om dingin!

Late 63:7

Bang hang hiam cih leh nangmah in kei hong huhpa na hi a, nangma hutna sungah lungdamin la ka sa hi.

Late 91:4

amah in a khate tawh nang hong tuam ding a, ama khate nuai-ah buk nading na mu ding hi; ama thumanna in nang hong dalin hong hu ding hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Paunak 23:18

Tua bang hi lecin lametna om a, ci-thei-in na khan’ a sau ding hi.

Jeremiah 31:16

Topa in hong cih-inah: “Kap nawn kei un la, na khitui uh nul un. Bang hang hiam cih leh Topa in kong cih-inah, na nasepna uh thaman na ngah ding uh hi. Amaute galte’ gam panin hong ciahkik ding uh hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Mattiu 6:1

“Mi mai-ah kisialin, gamtatna a pha mite muh dingin na bawl loh nadingun na kikem un. A hih kei leh vantungah a om na Pa uh kiangah nopna na ngah kei ding uh hi.”

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

2 TIMOTI NIHNA 1:18

Amah in tua Ni ciangin Topa khut sung panin hehpihna a ngah nading Topa in thupha pia ta hen. Amah in Efesa khua-ah zong bang zah takin hong kem hiam cih nangmah in a pha takpi-in na thei hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Ruth 1:16

Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;

Ruth 2:11

Ahih hangin Boaz in tua nu dawngin, “Na pasal a sih khit-a kipan na teeknu’ adingin na sepnate khempeuh, leh na nu leh na pa leh na pian’na gam nusia-in nidanga na theih ngei loh mite kiangah na paina thu a kicing takin kei kiangah hong kigen zo hi.

Ruth 2:13

Tua ciangin numei in, “Ka topa aw, kei tungah nong dik mahmah hi; bang hang hiam cih leh keimah in na nasem numeite hilo napi-in na nasemnu tungah migitna kam nong pau hi,” a ci hi.

Ruth 4:15

Amah in nang adingin na nuntakna hong pia kik, leh na khanghamna-ah hong vakpa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih ahi hi,” a ci uh hi.

1 SAMUEL MASA 24:19

Bang hang hiam cih leh mi khat in a galpa mu leh amah in a suakta-in amah paikhia sak ding ahi hiam? Tua ahih ciangin tu ni-in kei tungah nong bawlna hangin Topa in a hoih tawh nang thaman hong pia hen.

1 SAMUEL MASA 24:20

Tu-in, en in, nangmah in kumpi na hih taktak ding ka thei a, Israel kumpi gam nangma khut sungah a kip ding hi.