Ruth 2:10 - Tedim Bible

¹⁰ Tua ciangin amah in a mai-in lei-ah puksuk a, lei lakah kunin ama kiangah, “Kei gamdang mi khat hi napi, hih banga kei nong phawk nadingin bang hangin na mai-ah maipha ngah ka hi hiam?” a ci hi.

Tedim Bible Revision 2017

¹⁰ Tua ciangin amah a mai-in lei ah puk a, leilak ah kunin ama kiangah, “Kei gamdang mi khat hi napi, hih banga kei nong phawk nadingin bang hangin na mai ah maipha ngah thei ka hi hiam?” a ci hi.

Ruth 2:10 Iomraidhean Croise

Piancilna 18:2

Amah khuadak to hi, en in, mi thum ama' mai-ah na ding hi. Amah in amaute a muh ciangin amaute' dawn dingin puanbuk kongkhak panin va tai a, lei lakah kun sukin,

2 SAMUEL NIHNA 19:28

Bang hang hiam cih leh ka to kumpipa’ mai-ah ka pa’ innkuante khempeuh a si zah dong dingin a sia ahi hi; ahih hangin nangmah in na sabuai-ah a ne mite lakah na nasempa na koih hi. Tua ahih ciangin kumpipa tungah ka koh ding thu bang nei thuah nawn ding ka hi hiam?” a ci hi.

2 SAMUEL NIHNA 7:18

Tua ciangin Kumpi David tumin Topa mai-ah tu a, “Topa Pasian aw, tu ciang dong hih bangin kei nong kep nadingin keimah in kua hi a, ka innkuan in bang hi lel ahi hiam?

2 SAMUEL NIHNA 9:8

Tua ciangin amah in zahtakna bawlin, “A sisa ui bang kei lel, nong hici bawl nadingin na nasempa in bang ka hi hiam?” a ci hi.

Siampi Laibu 19:34

Note lakah a hong peem khual mite tual sung mi mah bangin na ngaihsun ding uh a, nomau mah bangin amah na it ding uh hi; bang hang hiam cih leh note in Izipt gam sungah khualmi na hi ngei uh hi: keimah in Topa na Pasian uh ka hi hi.

Mattiu 25:35

Bang hang hiam na cih uh leh, ka gilkial lai takin nong vaak uh hi. Ka dangtak lai takin tui nong pia uh hi. Khualzin ka hih lai takin zin nong do uh hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?

Luka 1:48

Bang hang hiam na cih leh, ama sila numei’ kiniamsakna hong en zo hi. Tu-a kipanin khang khempeuhte in kei thupha a ngah mi hong ci ding hi.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

Ruth 2:11

Ahih hangin Boaz in tua nu dawngin, “Na pasal a sih khit-a kipan na teeknu’ adingin na sepnate khempeuh, leh na nu leh na pa leh na pian’na gam nusia-in nidanga na theih ngei loh mite kiangah na paina thu a kicing takin kei kiangah hong kigen zo hi.

Ruth 2:13

Tua ciangin numei in, “Ka topa aw, kei tungah nong dik mahmah hi; bang hang hiam cih leh keimah in na nasem numeite hilo napi-in na nasemnu tungah migitna kam nong pau hi,” a ci hi.

Ruth 2:19

Tua ciangin a teeknu in ama kiangah, “Tu ni-in koi-ah tawm na hi hiam? Koi-ah na sem na hi hiam? Nang hong phawk mipa in thupha ngah ta hen,” a ci hi. Tua ahih ciangin amah in a teeknu kiangah a naseppihte gen a, “Tu ni-a ka nasepna mipa in Boaz ahi hi,” a ci hi.

Ruth 2:2

Tua ciangin Moab mi Ruth in Naomi kiangah, “Lo-ah hong kuansak in la maipha ka muhna peuhpeuhpa’ nungah anvuite lak-ah a sangh hong tawm sak in,” a ci hi. Tua ciangin amah in ama kiangah, “Pai in, ka tanu aw,” a ci hi.

Ruth 2:9

Amaute’ an lakna lo na mitsuan in la, amaute’ nungah zui in. Nang hong bawlsiat loh nading uh tangvalte thu pia khin hilo ka hi hiam? Na dang a tak ciangin pai in la tangvalte’ tui tawisa dawn in,” a ci hi.

1 SAMUEL MASA 25:23

Abigail in David a muh ciangin kinawh a, la tung panin tuakin David mai-ah maipuk a, lei lakah kun hi.