Paunak 4:5 - Tedim Bible

⁵ Pilna leh thu ngaihsut theihna na neih nading hahkat in la, kong gen thute mangngilh kei in la, hoih takin, ngaihsun in.

Tedim Bible Revision 2017

⁵ Pilna le thu ngaihsut theihna na neih nading hahkat in. Kong gen thute mangngilh kei inla, hoihtakin ngaihsun in.

Paunak 4:5 Iomraidhean Croise

2 KHANG TANGTHU NIHNATE 34:2

Amah in Topa mit-ah a man gamta a, a pu David’ khekhap zui hi; tak lamah ahi a, vei lamah ahi zongin amah lam pial lo hi.

JOB (Job) 23:11

Ama hong lamlahna citakin ka zui a, lam ka pial ngei kei hi.

Late 119:157

Kei hong bawlsiate leh ka langte tam mahmah a, ahih hangin nangma thu panin kei ka pial tuan kei hi.

Late 119:51

Mi kiphasakte in kei hong zahko gawp a, ahih hangin nangma thukham panin kei ka pial kei hi.

Late 44:18

Ngiate omna-ah kote hong balnenin, khuamialpi sungah nong paihdak dinga kilawm zahin, ka lungsim uh kihei nai lo a, ka kalsuan uh lampial nai lo hi.

Paunak 16:16

Kham sangin pilna hoihzaw a, ngun sangin thu theihna deihhuai zaw hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 18:1

Midang tawh a kipawl thei phalote pen amah bek thupi a kisate hi a, midangte’ cih khempeuh maan a sak khatbeek om lo hi.

Paunak 19:8

Pilna a zongpa in ama phattuam nading a zong hi a, thu a thei mipa’ sepna mavang ding hi.

Paunak 23:23

Thuman, pilna, siamna, thu ngaihsut theihna lei in; tuate zuakkhiat dingin pammaih lua hi.

Paunak 3:1

Ka ta aw, kong thuhilhte mangngilh kei in la, kong thugente phawk tawntung in.

Paunak 4:7

Pilna na ngah nading a thupi masapen hi a, na neih khempeuh na bei lawh zongin na zon’ ding ahi hi.

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.