Paunak 4:3 - Tedim Bible

³ Kei zong ka nu leh ka pa’ tapa neihsun, naupangno khat ka hih lai-in,

Tedim Bible Revision 2017

³ Kei zong tapa khat neihsun ka hi a, naupang no khat ka hih lai-in

Paunak 4:3 Iomraidhean Croise

1 KHANG TANGTHU MASATE 22:5

Bang hang hiam cih leh David in, “Ka tapa Solomon khangno-in pumpi tawh sinna om nai lo a, Topa’ adingin a kilam ding inn in gam khempeuh ah minthan’na leh pahtawina ah alian mahmah ding ahi hi; tua ahi ciangin keimah in tua inn dingin ka kiging khol ding hi,” a ci hi. Tua ahih ciangin David in a sih ma-in na tampi tak koih khol hi.

1 KHANG TANGTHU MASATE 29:1

Tua ciangin kumpi David in a kikhawm khempeuhte kiangah, “Pasian in amah bek a teelsa ka tapa Solomon pen khangno-in pumpi tawh sinna om nai lo a, nasep ding pen lian hi; bang hang hiam cih leh hih inn lianpi in mihing ading hilo a, Topa Pasian’ ading ahi hi.

1 KHANG TANGTHU MASATE 3:5

Ama sung panin Jerusalem ah a suakte in: Shimea, Shibab, Nathan, leh Solomon, Ammiel’ tanu Bathsheba tawh a neih li pha uh hi;

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

ROM (Romans) 12:16

Khat leh khat na lungsim uh na kituaksak un. Min san’na na lunggulh kei un. Lung kiniamsakna deih un. Kei mipil mi ka hi ci-in kingaihsun kei un.