Paunak 4:12 - Tedim Bible

¹² Hoih takin gamta lecin bangmah in hong nawngkaisak lo ding a, na tai hangin zong na puk kha kei ding hi.

Tedim Bible Revision 2017

¹² Hoihtakin gamta lecin nang hong nawngkaisak zo ding bangmah om lo dinga, na tai hangin zong na puk kha kei ding hi.

Paunak 4:12 Iomraidhean Croise

2 SAMUEL NIHNA 22:37

Nangmah in ka kalsuan nading mun tanzau ka nuai-ah nong pia a, ka khe taal lo hi;

Late 119:165

Nangma thu a deihte in lungnopna lianpi ngah uh a, bangmah in amaute tuksak zo lo hi.

Late 119:45

nangma thuhilhnate zuih ding hanciam ka hih manin, nuam takin ka nungta ding hi.

Late 18:36

Ka kalsuan nading mun tanzau nong pia a, ka khe taal lo hi.

Paunak 2:9

Tua hi leh thuman leh thutang, ahoih leh a kilawm na thei ding hi.

Paunak 3:23

Tua hi leh, lungmuang takin na nungta ding a, puk nading thu bangmah om lo ding hi.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Paunak 6:22

Tua thute in na paina peuhah lam hong lak ding a, zan-in na ihmut kalin nang hong cing ding a, sun-in na hah sungin na gamtat nading hong hilh ding hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

1 PETER MASA 2:8

“A puksak nading suangpi, a khialhsak nading suangpi zong ahi hi,” ci-in a kigelh zo hi. Bang hang hiam na cih uh leh, amaute in ngai loin, Pasian’ thu suikha-in a puk uh hi. Tua thu tawh a kituak nadingun tua mite a kikoih uh hi.