Paunak 3:6 - Tedim Bible

⁶ Na hihna khempeuh ah amah phawk in; tua hi leh lampi maan hong lak ding hi.

Tedim Bible Revision 2017

⁶ Na hihna khempeuh ah amah phawk in. Tua hileh lampi man amah in hong lak ding hi.

Paunak 3:6 Iomraidhean Croise

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Ezra 7:27

Tua ciangin Ezra in, “Jerusalem a, om Topa’ inn tua bangin a minthangsak thuah dingin kumpipa lungsim ah suak sak a, kumpipa leh a thulamlakte leh a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Nehemiah 1:11

Keima hong thungetna leh nangma min a zahtak nuam na nasemte’ thungetna na bil hong ngat in. Tu ni-in kei tungah mavan’na hong pia in la, kei tungah hih kumpipa hong migit nading lungsim guan in,” ka ci hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 7:5

Tua ciangin uliante, thukhente, leh mite a innkuan kuanun ciamteh nading ka lungsimah Pasian in hong suaksak hi. Tua hi a, hong ciahkik masate’ khang ciamtehna laibu ka mu hi. Tua sungah ka muh a kigelhte in:

Late 32:8

Na paina ding lampi lakin kong hilh ding a, ka mit tawh hong enin thu kong hilh ding hi.

Paunak 11:5

Thumanna in midikte’ nuntakna a nuam zaw-in piangsak a, migilote in amau’ gitloh mah puklawh uh hi.

Paunak 16:3

Na nasepnate khempeuh ah Topa ap in, tua hi leh na geelna bangin tangtung ding hi.

Paunak 16:9

Mihing in thu geel a, ahi zongin Topa’ deihna bangin kisemkhia hi.

Paunak 23:17

Mawhnei mite eng kha kei in la, Topa na zahtakna zom paisuak in.

Isaiah 26:7

Midikpa’ lampi tamkim a, nangmah in midikpa’ lampi na neel sak hi.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Isaiah 45:13

Thumanna sungah amah khua ka phawksak a, keimah in ama lampi khempeuh ka mamsak ding hi; amah in nasep thaman ahi a, letsong ahi zongin ngaihsun loin keima khuapi lamin sal-a om ka mite khahkhia ding hi,” Vanglianpen Topa in ci hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Jeremiah 42:3

Topa na Pasian in ka lam pai nading uh ahi zongin, ka nasep nading uh ahi zongin a hong lah nadingin thu hong ngetsak in,” a ci uh hi.

Gamlak-vakna 9:20

Biakbuk tungah ni tawmno sung meii om thei zel hi; tua bang ciangin Topa’ thupiak bangin giahphual ah amaute om uh hi; tua ciangin Topa’ thupiakna mah tawh amaute a ding khia uh hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

2 KORIN NIHNA 8:16

Note ading huhna hahkatna ka hanciamna bang uh Titu’ lungsim sungah a guang Pasian in phatna ngah ta hen.

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Kolose 3:23

Mi’ nasem bang bek hi loin, Topa’ nasem bangin na hihna khempeuh uhah itna lungsim tawh hih ta un.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 SAMUEL MASA 30:8

Tua ciangin David in Topa thu dong a, “Hih mihonte ka delh ding hiam? Amaute ka pha ding hiam?” a ci hi. Amah in dawngin, “Delh in; bang hang hiam cih leh na pha taktak ding a, na mite na honkhia zo taktak ding hi,” a ci hi.