Paunak 26:4 - Tedim Bible

⁴ Mite’ hai thudotna dawngdawng lecin, nang zong amau mah banga a hai na hi hi.

Tedim Bible Revision 2017

⁴ Mihaiteʼ thudotna dawngdawng lecin nang zong amau mah bangin a hai na hi hi.

Paunak 26:4 Iomraidhean Croise

1 KUMPI MASATE 12:14

khangnote’ ngaihsut piakna tawh kizui-in amaute kiangah thugen a, “Ka pa in note’ hakkol giksak hi; ahih hangin keimah in na hakkol uh ka behlap ding hi; ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,” a ci hi.

1 KUMPI MASATE 12:16

Kumpipa in amau’ thu a ngaih lohna Israelte khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israelte aw, na inn ciat uhah ciah un. Rehoboam in ama ading vaihawm tawm hen,” a ci uh hi. Tua ahih ciangin Israelte a inn ciat uhah kihem uh hi.

Paunak 17:14

Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Paunak 23:9

Mihaite, pil hopih kei in, a manphatna phawk thei lo uh hi.

Paunak 26:5

Mihaite a pil kisa kha ding uh ahih manin, amau’ haina tawh kizui-in dawng in.

Paunak 29:9

Mipil khat in mihai khat tawh zum-ah thu nei leh, mipilpa tungah hehin zahko a, phattuamna piang tuan lo hi.

Isaiah 36:21

Ahih hangin kumpipa in, “Dawng kei un,” ci-in thu pia khol khin ahih manin amaute daii takin om uh a, kam khat beek dawng lo uh hi.

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.