Paunak 2:8 - Tedim Bible

⁸ Amah in thutang mite cing a, amah a itte kem hi.

Tedim Bible Revision 2017

⁸ Amah in thutang mite cing a, amah a itte a kem hi.

Paunak 2:8 Iomraidhean Croise

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

Late 145:20

Topa in amah a itte khempeuh kem a, ahih hangin migilote khempeuh amah in susia ding hi.

Late 23:3

Ka nuntakna tha hong dimsak a, ama min’ adingin thuman lampi-ah kei hong kha hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 37:31

A lungsim sungah ama Pasian’ thukham om hi; a kalsuante taal lo hi.

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Paunak 8:20

Keimah in thuman lampi ka zui a, thutang lampi ka tawn hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.