Paunak 2:2 - Tedim Bible

² Pilna thute limtakin ngai in la, na theihtel zawh nadingin hanciam in.

Tedim Bible Revision 2017

² Pilna thute limtakin ngai inla, na theih tel zawh nadingin hanciam in.

Paunak 2:2 Iomraidhean Croise

Late 90:12

Tua ahih ciangin pilna lungsim ka ngah theih nadingun ka nuntak uh a tom lam ka theih nadingun hong hilh in.

Paunak 18:1

Midang tawh a kipawl thei phalote pen amah bek thupi a kisate hi a, midangte’ cih khempeuh maan a sak khatbeek om lo hi.

Paunak 2:3

Hi hi, thu theih nading hanciam takpi in la, thumuh nading hahkat takpi in.

Paunak 23:12

Hong kihilhnate zui-in la, pilna thu hong kigente ngai in.

Paunak 4:1

Tate aw, na pa uh’ hong hilhnate ngai un la, thu na teltheih nadingun lim takin ngaihsun un.

Paunak 4:20

Ka ta aw, ka thugente don in la ka kammalte ngai in.

Paunak 6:32

Ahi zongin numei tawh mawhte in thu ngaihsun thei lo mi hi a, amah leh amah a kisusia tawm ahi hi.

Thuhilh-sia 7:25

Keimah in, pilna siamna ka theih nading pilna mu-in, thupiangte a hang ka theih nadingin, nakpi takin hanciamin ka lungsim ka pia a, haina a hoihlohna leh a haihuaina ka thei khia hi.

Thuhilh-sia 8:16

Pil ding hahkatin, leitunga thupiangte ka theih ciangin, sun leh zanin ihmu lo liangin i om hangin,

Thuhilh-sia 8:9

Leitunga gamtatnate ka ngaihsut ciangin, hih thute ka mukhia hi. Mi khat in midang tungah vangliatna nei-in, a uk sung mite a gimsak gawp hun om hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Mattiu 13:9

Zak nading bil a nei teng in za ta un!” a ci hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.