Paunak 17:3 - Tedim Bible

³ Kham leh ngunte, mei sungah kize-et a, mihingte’ lungsim, Topa in ze-et hi.

Tedim Bible Revision 2017

³ Kham le ngunte mei sungah kize-et a, mihingteʼ lungsim Topa in ze-et hi.

Paunak 17:3 Iomraidhean Croise

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

JOB (Job) 28:1

“Ngun a kitawh khiatna ngunkhuk om a, kham a kisian’ sakna mun mah a om hi.

Late 139:23

Pasian aw, kei hong entel in la ka lungsim hong thei in! Kei hong sit in la ka ngaihsutnate hong thei in!

Late 26:2

Topa aw, keimah hong ze-et in la hong sin in; ka lungsim leh ka ngaihsutna hong entel in.

Late 66:10

Bang hang hiam cih leh Pasian aw, nangmah in kote nong sin zo hi; mei tawh ngun a kisin bangin kote nong sin khin hi.

Paunak 15:11

Topa in sihna gam sunga omte nangawn mu thei ahih leh, mihingte ngaihsutna telmuh zawkan ding hilo ahi hiam?

Paunak 16:2

Mihingte in a gamtatna uh-ah man kisa a, ahi zongin Topa in a khenna khat na om hi.

Paunak 17:2

A pil silapa in a topa’ ta hai tungah aana nei-in, a topa’ gamh pawlkhat a luah hi.

Paunak 21:2

Na gamtatna khempeuh nangmah in man na sak hangin, Topa in na lungsim tawng a et telna phawk in.

Paunak 27:21

Ngun leh khamte, meikhuk-ah kize-et a, mihing ahih leh phatna tawh kize-et hi.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Ezekiel 22:18

“Ezekiel aw, kei adingin Israel mite a kiman’na om nawn lo hi. Amaute pen, sumngo, dal, sik, hak, leh ngun a kihel khawm sung panin meikhuk sungah kihalin a ngun teng a kilak khit ciangin a om lai ngun-ek tawh kibang hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Thu-hilhkikna 8:16

a tawpna ah a hoih-in na gamtat theih nading uh deihna-in note hong niamkhiatin hong ze-et theih nadingin na pu na pate un a theih loh manna tawh gamlakah hong vaak ahi Topa na Pasian uh na mangngilh kha ding uh hi.

Thu-hilhkikna 8:2

A thupiakte na zui uh hiam na zui kei uh hiam cih a theih nadingin note hong niamkhiatin na lungsim uhah bang om hiam cih a theih nadingin Topa na Pasian un gamlakah hih kum sawmli sung note hong paipihna lampi khempeuh na ciamteh ding uh hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.