Paunak 13:2 - Tedim Bible

² Mihoihte in a kamsiamna bangun thaman sang a, mizuaute in siattat ding bek ut uh hi.

Tedim Bible Revision 2017

² Mihoihte in a kam siamna bangun thaman sang a, mizuaute pen siat tat ding bek ut uh hi.

Paunak 13:2 Iomraidhean Croise

Late 140:11

Mi gensiapa leitungah kip sak kei in la, mi ngongtatpa pen thusia in sulzuih mengmeng ta hen!

Late 75:8

Bang hang hiam cih leh Topa khut sungah leenggahzu a phuan, a kihelkim ngiingei hai khat om a, amah in tua sung panin hong bungkhia dinga, leitung migilote khempeuh in a tawdat dong takin liaktum ding uh hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

Paunak 10:11

Mihoihte’ kampaute in nuntakna tuinak bang a, migilote in thusia bekbek gen hi.

Paunak 11:23

Mihoihte’ deihna thuhoih tawh kizom tawntung a, migilote’ deihna a tun’ ciangin mi khempeuh heh hi.

Paunak 12:14

Mite in kamhoih pauna hangin thaman ngah a, a sepna bangun zong thaman ngah hi.

Paunak 18:20

Mi khat in a kampauna hangin gilvahna ngah ding a, a thugenna hangin nuntakna ngah ding hi.

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Paunak 4:17

Gitlohna, annek bangin nuamsa uh a, ngongtatna, tuidawn bangin ngaihsun uh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hanga piang gahte na ne uh hi. Note in na sakol leengte uh leh na galkap tamna uh muang kha na hih manun,

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Habakkuk 2:8

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.