Paunak 10:2 - Tedim Bible

² Thuman lo-a ngahna-ah phattuamna om lo a, thumaanna in sih nading pan hong hon hi.

Tedim Bible Revision 2017

² Thuman loin ngahna ah phattuamna om lo a, thumanna in sih nading pan hong hon hi.

Paunak 10:2 Iomraidhean Croise

Paunak 11:4

Hauhna in na sih nading panin hong hu thei lo a, thumanna in na sih ding hong hu thei hi.

Paunak 12:28

Mi thumante’ gamtatna in nuntakna piangsak a, mihaite’ gamtatna in sihna piangsak hi.

Paunak 13:11

Ol tak-a hauh pakna in kiam kik pah a, haksapi-a hauh tohna in khang semsem hi.

Paunak 21:6

Zuau genna tawh hauhna in beimang pak a, sihna khuk sung hong tun’pih hi.

Ezekiel 7:19

Topa’ hehna amau tungah a tun’ ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah pai ding uh hi. A gilkial uh ciangin zong an bangin tuate ne thei lo uh hi. Ngun leh khamte in amaute mawhna sung tumpih zaw hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.