Paunak 1:5 - Tedim Bible

⁵ Mi ciimsate ciimsak semsemin, mipilsate pilsak semsem-in,

Tedim Bible Revision 2017

⁵ Mi ciim sate ciimsak semsemin, mi pil sate pilsak semsemin,

Paunak 1:5 Iomraidhean Croise

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

JOB (Job) 34:10

“Ahi zongin no thu ngaihsun theite in ka thugenna hong ngai un. Pasian in gitlohna gamta ngei ding a, Vanglianpa in a man lo sem ngei peuhmah ding ahi hiam?

JOB (Job) 34:16

“Job aw, mipil-a kinei na hih leh ka thugennate hong ngai in.

JOB (Job) 34:2

“No mipilte aw, ka thugente ciamteh un, no thuthei mite aw, ka thugente ngai un.

JOB (Job) 34:34

Thu ngaihsun theih peuhmahte in man hi, hong cihpih ding uh a, ka thugenna a za mipil peuhmahte in,

Paunak 12:1

Pilna a deihte in kithuhilh ding ut a, kitai ding ut lohna in haina hi.

Paunak 14:6

Mi a simmawh theite in pilna a zon’zon hangin ngah zo lo a, thu ngaihsun theite in olno takin ngah thei uh hi.

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh ngai uh hi.

Paunak 19:25

Thu theilote in satna tawh pilna ngah zo bek a, thu ngaihsunte in taina lel tawh pilna ngah zo uh hi.

Paunak 21:11

Mi kiphasakte daan a kipiak ciangin mi mawkmawkte in pil lawh a, mipilte a kihilh ciangin thutheihna-in nei uh hi.

Paunak 8:33

Hong kihilhnate zui-in pilna ngah un la, thudon loin mawk om kei un.

Paunak 9:8

Mihaite thuhilh kei in, hong mudah ding hi. Mipilte thuhilh in, hong it ding hi.

Paunak 9:9

Mipilte thuhilh lecin pil semsemna-in nei ding a, thuman mite thuhilh lecin a thu theihna khang semsem ding hi.

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

1 KORIN MASA 10:15

Lungpil mi kiangah ka gen mah bangin note kiangah kong gen hi. Ka thu na ngaihsun un.

Thu-hilhkikna 4:6

Tuate zui un la, sem un; bang hang hiam cih leh hih thukhamte khempeuh a zak uh ciangin, ‘Hih minam liante in a pil thu thei mi taktak hi,’ a ci ding uh mite’ muhna ah hih thu nomau pilna leh nomau thu theihna hi ding hi.