Paunak 1:4 - Tedim Bible

⁴ Thu thei nai lote in a theih nading, khangnote in pilna leh thu ngaihsut theihna a ngah nading.

Tedim Bible Revision 2017

⁴ Thu thei nai lote in a theih nading, khangnote in pilna le thu ngaihsut theihna a ngah nading.

Paunak 1:4 Iomraidhean Croise

Late 116:6

Topa in thu thei lo mi hong kem a, kei hong kiniam koih ciangin amah in hong huh hi.

Late 119:130

Nangma thute hon’khiatna in khuavaksak a, thu thei lote, thu theihtelna a guan hi.

Late 119:9

Tangval khat in ama gamtatna bangci siangtho kep theih ding ahi hiam? Nangma thu mah bangin kepna tawh a gamtatna siangthosak thei ding hi.

Late 19:7

Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Late 34:11

Tate aw, hong pai un la, hong ngai un. Topa zahtakna kong hilh ding hi.

Paunak 3:21

Ka ta aw, pilna leh thu ngaihsut theihna len tawntung in la, cik mah ciangin khahsuah ngei kei in.

Paunak 8:12

Pilna ahi keimah in thuthuk muh theihna ka nei a, thu a tel-a theihna leh a kilawm-a ngaihsut theihna ka nei hi.

Paunak 8:17

Kei hong itte ka it a, kei hong zong peuhmahte in hong mu uh hi.

Paunak 8:32

“Tate aw, tu-in ka thugen hong ngai un la, kong gente zui le-uh cin thupha na ngah ding uh hi.

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Thuhilh-sia 11:9

Khangnote aw, na khangno uh nuam sa un la, na khangno lai-un lungdam un. Na hih nop peuhpeuh uh hih un la, na ut bang bangun gamta un. Ahi zongin na gamtatna uh tawh kizui-in, Pasian in thu hong khen ding lamtak phawk gige un.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Thu-hilhkikna 4:6

Tuate zui un la, sem un; bang hang hiam cih leh hih thukhamte khempeuh a zak uh ciangin, ‘Hih minam liante in a pil thu thei mi taktak hi,’ a ci ding uh mite’ muhna ah hih thu nomau pilna leh nomau thu theihna hi ding hi.

2 TIMOTI NIHNA 2:22

Khangno’ deihgawhna lungsim na tang in la, lung siangthona tawh Pasian kiangah thu a ngen mite tawh, dikna, upna, itna leh nopna delhin na zuikhawm in.

Titu 2:6

Tua mah bangin tangvalte in zong khuaval zulhtat loh nading na hilh in.