Micah 4:2 - Tedim Bible

² Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Tedim Bible Revision 2017

² Minam tampite hong pai-in, “Israel miteʼ Pasianʼ biakinn, Topaʼ mualah va pai to ni. Tua lai ah ama deihna hong hilh dinga, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topaʼ thu hong paikhia hi.

Micah 4:2 Iomraidhean Croise

Late 110:2

Topa in Zion panin na kumpi ciangkhut hong puak hi. Na galte’ lakah uk in!

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

Late 119:171

Na ngeina kipte kei hong hilh na hih manin, nang ka hong phat tawntung ding hi.

Late 122:1

Amaute in kei tungah, “Topa’ innah pai ni,” hong cih uh ciangin ka kipak hi.

Late 25:12

Topa a zahtak mi kua ahi hiam? A lampi zuih ding Pasian’ hilhna a ngah mipa ahi hi.

Isaiah 2:3

mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Jeremiah 31:6

Bang hang hiam cih leh Efraim mualtung panin gal vilte in, ‘Tho un! Zion khua-ah, Topa, i Pasian kiangah va pai ni,’ ci-a hong kiko hun uh hong tung ding hi,” a ci hi.

Jeremiah 42:3

Topa na Pasian in ka lam pai nading uh ahi zongin, ka nasep nading uh ahi zongin a hong lah nadingin thu hong ngetsak in,” a ci uh hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Zekhariah 14:16

Tua bangin galte a kizawh gawp khit ciangin, galte sung panin a nungta lai mite in Vanglianpen Topa, kumpi ahihna hangin a bia ding, leh ama gualzawhna pawi a bawl dingin kum simin Jerusalem ah pai tawntung ding uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Marka 16:20

Amaute paikhia uh a, mun khempeuh ah thu a hilh uh hi. Topa in amaute’ tungah nasem a, lim tawh amaute’ thu a kipsak hi. Amen.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Johan 6:45

‘Pasian in tuate a hilh ding hi,’ ci-in Pasian’ kamsangte’ lai sungah a kigelh hi. Pa kiangah thu ngai a, a kisin mite khempeuh keima kiangah hong pai uh hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 13:42

Paul leh Barnabas kikhopna inn panin a paikhiat lai takun Nipi ni kik ciangin hih thu hilh dingin amaute in a ngen uh hi.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.

Thu-hilhkikna 6:1

“Tu-in, luah dinga na paina gam uhah na zuih dingun, note leh na tapate uh leh na suan leh khakte un Topa note’ Pasian’ thukhamte leh a thupiakte na zuihna uh tawh amah na zahtak theih nadingun, Topa na Pasian un na nuntak tawntung uh na zuih dingun kei a hong hilh sawnsakte in hih thupiakna, thukhamte leh ngeina kipte ahi hi; tua in na khan’ uh a sau theih nading ahi hi.