Micah 4:1 - Tedim Bible

¹ Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.

Tedim Bible Revision 2017

¹ Mailam hunah Topaʼ biakinn a omna mual, a sang pen mual hong suak dinga, minam tampi in hong zuan ding uh hi.

Micah 4:1 Iomraidhean Croise

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 54:2

Na buk mun khan in la, na teen’na puanbukte kizalsak in; cil bawl kei in, na khaute sau sak in la, na khetphimte kip sak in.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Jeremiah 48:47

Ahih hangin Topa in kong cih-inah, nidang ciangin Moab gam a ngei bang sakin ka hausak kik ding hi,” a ci hi. Moab gam thukhenna tu-a zah ahi hi.

Ezekiel 38:16

khuapi huih in gam sung teng a nawk gawp bangin keima mi Israelte na sim ding hi. A hun a tun’ ciangin, nangmah zangin na ka sepna tawh minamte lakah ka siangthona ka lah theihna dingin keima gam a sim dingin kong sawl ding hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Ezekiel 43:12

Biakinn tawh kisai ngeina-in: Mual tunga om biakinn kimkot mun khempeuh pen biakna tawh kisai-in a siangtho ahi hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Daniel 2:35

Thakhatin sik, tungman, sumngo, ngun leh khamte kitam nen gawp a, khualkhal hun-a ansi zap bangin a lengmang hi. Huih in leen’ mangkhin ahih manin them kha beek a kimu nawn kei hi. Ahih hangin tua suangtum hong khangkhanga mual cia hong phain leitung khempeuh a dim hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Daniel 7:22

Tua ciangin a nungta tawntung mipa hong pai a, Sang pen Pasian’ mite ading a hoih thukhenna a hong gen hi. Pasian mite in kumpi za a ngah nading uh hun a hong tung hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Zekhariah 14:10

Leilu lam Geba khua panin leitaw lam Rimmon khua dong, leitang khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan-a kipan, ni danga kongpi a omnasa Kiu Kongpi dong, leh Hananel Tausang panin kumpipa’ leenggahcilna phual ciang dong ban ding hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.