Micah 2:3 - Tedim Bible

³ Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Tedim Bible Revision 2017

³ Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Micah 2:3 Iomraidhean Croise

Isaiah 29:20

Bang hang hiam cih leh kampauna tawh a khialh nadingun mite bawlin, kongtual sungah mi a panpihpa thang siahin, a thuman mipa pen zuau teci tawh a thutanna a heikhia, thukhual lo mite beimang in, mi a thu sim lo mite bei-in, siatna hih ding a sawm mite khempeuh kisusia ding hi.

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 27:12

Judah kumpipa Zedekiah’ kiangah zong tua mah bangin ka gen-a, “Na nuntak theih nadingin Babilon kumpipa’ hakkol pua in. Amah leh a mite’ na va sem in.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Jeremiah 36:23

Jehudi in khawk thum khawk li bang a sim khit ciangin kumpipa in temta neu khat tawh aat khia-a, meikhuk sungah a khul hi. Tua bangin laizial buppi a kattum dong meikhuk sungah a paaipaai hi.

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.

Jeremiah 8:3

Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Kah la 2:17

Topa in a sehna bangin a tawp khakna ah a hong bawl hi. Sau veipi lai-a a hong hilhkholhsa bangin hong hehpih nawn loin a hong susia hi. Galte gualzawhna pia a, ei hong guallel sak a, amaute a lungdamsak hi.

Kah la 5:5

Kalaoh van pua leh la van pua bangin nakpi takin a hong kihawl gawpgawp hi. Gim mahmah hi napi, tawlngak na’ng hun a hong kipia kei hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Amos 2:14

A tai hatte nangawn suakta zo lo ding a, a thahatte a hatna bei ding a, galhangte in amau’ nuntakna hu zo lo ding hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Amos 5:13

Tua ahih manin hih bang hun siat hun lai takin, thu ngaihsun thei mite pau loin a om khikhe, lamdangsak ding hi lo hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

ROM (Romans) 16:4

Amaute in keima nuntakna tang ding amau ngawng a dawh ngamte ahi uh hi. “Amau in hehpihna a nei uh hi,” ci-in kei guak hi lo, Gentail pawlpite khempeuh in a phat uh hi.

Efesa 5:16

tuni hunte in a gilo ahih maninah, ahun na teel un.

Thu-hilhkikna 28:48

Topa in note’ langah a hong sawl ding na galte uh’ na, gilkialna leh dangtakna, pum guak-a omna, leh na khempeuh kitangsapna tawh, na sem ding uh hi; na galte un note hong suksiat matengin note’ ngawng ah sik hakkol hong thuah ding hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.