Micah 2:2 - Tedim Bible

² Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Tedim Bible Revision 2017

² Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

Micah 2:2 Iomraidhean Croise

1 KUMPI MASATE 21:1

Tu-in Jezre-el khuami Naboth in Samaria kumpi Ahab’ kumpi inn gei-ah leenggui lo khat nei hi.

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

JOB (Job) 31:38

“Ka khawh leitang ka guk ahih a, a nei taktakpa tung pan ka suh ahih a,

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Ezekiel 22:13

“A man loin mi’ na na suhna leh na mi thahna hangin ka khuttum ka zial ding hi.

Ezekiel 33:26

Note in namsau suan’in na nei uh a, na gamtatnate uh kihhuai mahmah hi. Mi khempeuh in nu-le-pa mawhna na gamta uh hi. Tua bangpi-in hih gam luah thei ding na hi uh hiam? ci-in gen in.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Ezekiel 46:18

Gam uk ulianpa in mi dangte’ neihsa leitang laksak ngei lo ding hi. Ama tungah a kipia leitang sung panin a tapate khenkhia bek ding hi. Ka mite’ leitang laksakin, bawlsia lo ding hi, ci-in gen in,” hong ci hi.

Ezekiel 8:17

Tua ciangin amah in, “Ezekiel aw, huate na mu hiam? Hih Judah mite in na muhsa a muhdahhuai a gamtatte uh tawh lungkim nai lo uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A siathei tawpin hih bangin kei hong simmawh bawlna mu in!

Amos 2:7

Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Micah 3:9

Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.