Micah 2:1 - Tedim Bible

¹ A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Tedim Bible Revision 2017

¹ A lupna tungah lumin gitlohna a geelgeelte in gimna ngah tahen. Zingsang khua a vak ciangin, hih theih ding hun a ngah phetun, a ngaihsut sa uh gitlohna a sem khia uh hi.

Micah 2:1 Iomraidhean Croise

Piancilna 31:29

Nang kong siatsak ding keima' thu ahi hi; ahih hangin na pa’ Pasian in zan zan-in kei' kiangah thu hong gen a, ‘Jakob' tungah a pha hita leh a sia hita leh na gen ding kidawm in,’ hong ci hi.

1 KUMPI MASATE 21:7

Tua ciangin a zi Jezebel in ama kiangah, “Tu-in Israel mite a ukpa hilo na hi hiam? Tho-in an ne in la, na lungsim nuamsak in; keimah in Jezre-el khuami Naboth’ leenggui lo nangma tungah kong pia ding hi,” a ci hi.

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Esther 5:14

Tua ciangin a zi Zeresh leh a lawmte khempeuh in ama kiangah, “Pi sawmsagih-le-nga a sang khuam phutsak in la, tua tungah Mordekai a kikhai lup nadingin zing ciangin kumpipa kiangah gen in; tua ciangin nitak an ne dingin lungnuam takin kumpipa tawh pai in,” a ci uh hi. Haman in hih ngaihsutna hoih sa a, a khuam phutsak hi.

Esther 9:25

Ahih hangin kumpipa in hih thu a theih ciangin, Judah mite suk nadingin Haman in a geelsa thuhoih lopen Haman’ lutung mah a lehtuk nading, leh amah leh a tapate khuam tungah a kikhai nading lai-in gelhin thupia hi.

JOB (Job) 15:35

Hih bang mite in siat nading bek ngaihsunin sem uh a, a lungsim uh ah khem ding bekbek ngaihsun uh hi,” a ci hi.

JOB (Job) 24:14

A zawng a cimawhte a that dingin khuavak ma-in mithatpa kuankhia a, zan sungin mi’ na guksak hi.

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

Late 36:5

Topa aw, na itna kip in van ban a, na cihtakna in meii ban hi.

Late 58:3

Migilote, a khan’ tawntungin khial uh hi, a suah tung mah-un lam khial pah uh a, zuauthu gen uh hi.

Paunak 12:2

Mihoihte in Topa’ maipha ngah a, siatna a gamtate Topa in mawhsak hi.

Paunak 14:22

Na a hoih a semte, mite in muangin zahtak a, asia gamtatna in khialhna lianpi ahi hi.

Paunak 3:27

Nangma hih zawh ding thu ahih nak leh, midangte’ kitaangsapna huh tawntung in,

Paunak 4:16

Migilote in asia khatpeuh a sep mateng lum thei lo uh a, mi khatpeuh a suk zawh mateng ihmu lo uh hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongtual sungah mi a panpihpa thang siahin, a thuman mipa pen zuau teci tawh a thutanna a heikhia, thukhual lo mite beimang in, mi a thu sim lo mite bei-in, siatna hih ding a sawm mite khempeuh kisusia ding hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Ezekiel 11:2

Pasian in kei kiangah, “Ezekiel aw, hih mite pen khuapi sungah thu hoih lo a gen migilote ahi uh hi.

Ezekiel 33:26

Note in namsau suan’in na nei uh a, na gamtatnate uh kihhuai mahmah hi. Mi khempeuh in nu-le-pa mawhna na gamta uh hi. Tua bangpi-in hih gam luah thei ding na hi uh hiam? ci-in gen in.

Ezekiel 38:10

“Topa Pasian ahi keimah in nang Gog tungah kong gen in ah: Tua hun ding hong tun’ ciangin na lungsim sungah gitloh gamtat ding ngaihsut na kipan ding hi.

Ezekiel 46:18

Gam uk ulianpa in mi dangte’ neihsa leitang laksak ngei lo ding hi. Ama tungah a kipia leitang sung panin a tapate khenkhia bek ding hi. Ka mite’ leitang laksakin, bawlsia lo ding hi, ci-in gen in,” hong ci hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Nahum 1:11

Nineveh khuapi aw, gitlohna tawh thu vaihawmin, Topa a sawm, nang’ sungah mi khat om hilo ahi hiam?

Zekhariah 7:10

note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.

Marka 15:1

A zingsang ciangin siampite in thakhatin upate, laitheite leh vaihawmte khempeuh tawh a vaihawm uh a, Zeisu khau tawh a hen khit uh ciangin paipihin, Pilat Mangpa tungah a pia uh hi.

Luka 20:19

Tua lai takin laitheite leh siampi liante in Zeisu mat dingin a zon’ uh hangin mite a kihta uh hi. Bang hang hiam i cih leh, amau cihna-a hih thugentehna a gen ahih lam a thei uh hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Sawltak 23:12

Khua a vak ciangin Judah mite kikhawm uh a, “Paul i thah khit matengin an i ne kei ding hi, tui i dawn kei ding hi,” ci-in a kiciam uh hi.

Sawltak 23:15

Tua ahih ciangin note in upa vaihawmte tawh Paul thu a pha takpi khen ding bangin a hong paipihsuk nadingun galkap mangpa kiangah na ngen un. Paul in note kiangah hong tun’ ma-in lam kalah that dingin ka omkhol ding uh hi,” ci-in a gen uh hi.

ROM (Romans) 1:30

Amaute in mi gendai thei mi, hangsan mi, Pasian mudah mi, kheltat mi, kisathei mi, kiphasak mi, mi’ gitlohna a piangsak mi, a nute a pate’ thu a ngai lo mi,

Thu-hilhkikna 28:32

Na tapate leh na tanute uh minam dangte’ tungah kipia ding a, amaute ngai-in sun nilohin na mit un enin gim ding hi; nomau’ tha tawh na dal zawh ding uh hi lo ding hi.