Micah 1:8 - Tedim Bible

⁸ Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

Tedim Bible Revision 2017

⁸ Tua ahih manin kei kapin ka thum dinga, ka dahna thu ka lah nadingin khe guak le guaktangin ka vak ding hi. Gam-ui bangin ka ham dinga, vasa-kalaoh bangin ka tau ding hi.

Micah 1:8 Iomraidhean Croise

2 KUMPI NIHNATE 18:13

Kumpi Hezekiah’ kum sawm-le-lina kumin Assiria kumpipa Sennakherib, Judah khuapi kulh a neite khempeuh a sim dingin hong kuan to-in tuate la hi.

Esther 4:1

Mordekai in hih thu piang teng a theih ciangin a puan balkekin puanhampi silhin vut kibuak a, nakpi takin kap kawmin khua sungah vak kawikawi hi.

JOB (Job) 30:29

Kei in gamkhing sunga om ngiate leh kalaoh vasate tawh a kipawl, a kikhawl ta ka hi hi.

Late 102:6

Gamlak-a om musane leh mun kolhna-a om simbu tawh ka kibang hi;

Isaiah 13:21

Ahih hangin tua munah gamsate lum ding uh a, tua mun a, innte pen se-alte tawh kidim ding hi; tua munah kalaoh-vasa golpite teengin, tua munah gamkeelte laam ding uh hi.

Isaiah 13:22

Munmuanhuai sungah ngiate, kumpi inn nuam sungah se-alte ham ding uh hi; Babilon khuapi siat ding hun hong nai ta a, a ni sawt nawn lo ding hi.

Isaiah 16:9

Tua ahih ciangin Jazer khuamite a kah bangin Sibmah leengguite’ hangin kei ka kap hi; Heshbon leh Elealeh khuate aw, ka khitui tawh note kong kawtsak hi; na singgahte uh minta a, na anlakna uh hangin lungdamna tawh kikonate dai ta hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Isaiah 22:4

Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Ezekiel 32:18

“Ezekiel aw, Izipt mi tampite’ hangin kapin thuum in. Mi site’ omna Leinuai gamah a vanglian minam dangte tawh pai sak in. Amaute kiangah hih bangin ci in:

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

1 SAMUEL MASA 19:24

Amah in zong a puante suahkhia-in, Samuel’ mai-ah zong mailam thu genin, tua sun tawntung leh tua zan tawntung a guaktangin om hi. Tua huna kipanin, “Saul zong kamsang suak khin ahi hiam?” kici hi.