Micah 1:3 - Tedim Bible

³ Ama mun siangtho panin Topa hong pai a, amah in leitung mualsang dawnte hong siksuk ding hi.

Tedim Bible Revision 2017

³ Ama mun siangtho panin Topa hong pai a, amah in leitung mual sang dawnte hong sik suk ding hi.

Micah 1:3 Iomraidhean Croise

JOB (Job) 40:12

Mi kiphasakte enin niamkhiat in la, migilote amau omna mun mun-ah tuancil in.

Late 115:3

Vantungah eite’ Pasian om a, ama ut peuhpeuh a hih hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.

Isaiah 26:21

Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Ezekiel 3:12

Tua ciangin Pasian’ Kha in hong paipih to a, ziin’ liing zahin a gin’ ngaih awging khat ka nungah ka za a, “Vantungah a om Topa, ama minthan’na hangin phat un,” ci-in a kiko hi.

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Habakkuk 3:19

Topa Pasian in keima thahatna ahi hi; sakhi khe bangin ka khe hong zaptelsak a, mun sangna ah, lungmuang takin hong paisak hi. (Bang hang hiam cih leh amah in khausai lasakna vante tawh tum theihte hong makaihpa ahi hi).

Zekhariah 14:4

Tua ni ciangin Jerusalem nisuahna lama om Oliv Mual tungah Topa’ ding ding hi. Tua ciangin nisuahna lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat, leitaw lamah kikhin ding hi.

Thu-hilhkikna 32:13

Amah in leitung a sangna munte tungah amaute tuang sak a, amaute in gamlak pana piangte a ne uh hi; suangpi panin amaute khuaizu hup sakin, meisuang tawh kibang suang panin sathau a ne sak hi.

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.