Mattiu 9:35 - Tedim Bible

³⁵ Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Tedim Bible Revision 2017

³⁵ Tua bangin khuapite le khuaneute ah Jesu pai kawikawi a, a kikhopna uh innte ah thu hilhin, Pasianʼ ukna hangin a lungdamhuai thute gen a, natna nam khempeuh a damsak hi.

Mattiu 9:35 Iomraidhean Croise

Mattiu 10:1

Tua ciangin Zeisu in a nungzuite sawm leh nihte a sap khit ciangin, kihhuai dawite hawlkhiat theih nading ahi zongin, cinatna pawl khempeuh damsak theih nading ahi zongin thu a pia hi.

Mattiu 11:1

Zeisu in a nungzui sawm leh nihte tua bangin a vaikhak khit ciangin, khua sungah thu gen ding, thu hilh dingin tua mun pan a paikhia hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Marka 1:14

Johan a kimat khit ciangin Zeisu Galile gamah pai a, Pasian’ Lungdamna Thu a hilh-inah,

Marka 6:56

Khuapi, khuaneu, gamlak, a tun’na khempeuh ah cidam lo mite lam kiangah a koih uh a, ama puan mong teep beek a lawn’ nadingun a ngen uh hi. Amah a lawng khempeuh in cidamna a ngah uh hi.

Marka 6:6

Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Luka 13:22

Zeisu in khuapi leh khuaneu ah pai kawikawi a, thu hilhin Jerusalem khuapi zuanin a zin hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.