Mattiu 9:3 - Tedim Bible

³ Laitheite kimkhat in, “Hihpa in Pasian tungah a pau khial hi,” ci-in a lungngai uh hi.

Tedim Bible Revision 2017

³ Tua ciangin Thukham hilh siate pawl khat in a lungsim uh ah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Mattiu 9:3 Iomraidhean Croise

Siampi Laibu 24:16

Topa’ min a gensia mipa kithat ding hi; mihonte khempeuh in amah deng ding uh hi; peemta hita leh tualsung mi hita leh, Min Siangtho a gensiat ciangin kithat ding hi.

Gamlak-vakna 15:30

Ahih hangin tual sung mi hita leh peemta hita leh, na khatpeuh peuh a hih teitei mipa in Topa a simmawh hi a, ama mite kiang panin tua mipa kikhenkhia ding hi.

Mattiu 26:65

Tua tak ciangin, Siampi ukpa in a puan balkeek a, “Hih mipa in Pasian tungah a pau khial zo hi. Adang bang teci deih lai i hi hiam? Pasian tungah ama paukhialhna thu na za zo uh hi.

Mattiu 7:29

Bang hang hiam i cih leh, amah in laitheite bangin a hilh kei hi, ukpa bangin thu a hilh hi.

Marka 14:64

Pasian tungah a pau khialhna thu na za zo uh hi. Bangci ngaihsut na hi uh hiam?” a ci hi. Amaute khempeuh in, “Hih pa thah tuak hi,” a ci uh hi.

Marka 3:28

“Ke’n aman takpi kong cih-inah mawhna leh Pasian gensiatna khempeuh maisak nading thu mite in a ngah ding uh hi.

Marka 3:29

Ahih hangin, Kha Siangtho a gensiate in mawh maisak nading thu cikmah hunin a ngah kei ding hi. Tua pa in a tawntung khialhna thuakpa ahi ding hi,” a ci hi.

Marka 7:21

Bang hang hiam na cih uh leh, mi sung pan a hoih lo ngaihsutna, numei tawh mawhna,

Luka 5:21

Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.